Suksma antuk galah sane ampun kapice ring Sikian titiang, pinih Ajeng lugrayang titiang ngatuarang pangan jali umat OM SWASTYASTU Sane kusumayang titiang, Tim Basa Bali Wiki, anggetin juri sane kaping Singgih, asapunike taler para panureksa sareng sami sane wangiang titiang. Bagie pisan manah titiang duaning sampun prasida nyarengin Orasi Basa Bali puniki, indike puniki Tan prasida luput saking asung kerta wara nugrhan Ida Shang Hyang Widhi Wasa.
Ring galah sane becik puniki lugrayang titiang ngaturang pikobet sane Ageng nanging nenten akeh sane uning, sane patut pisan kauratiang olih para calon pemimpin Bali. Pikobet e punika nenten Lian saking penganggen basa miwah aksara Bali sane sampun sayan-sayan ngreredang. Punika mawinan titiang ngaptiang mangde sapasira ja pemimpin Bali sane jagi kajudi mangdane prasida nincapang miwah prasida karyanin program sane pacang prasida nincapang kasadaran Krama Bali indik mabuatnyane nglestariang budaya Bali utaminnyane nganggen basa miwah aksara bali. Nyingakin kawentenan Pulo Bali puniki sane sampun kaloktah ring Dura negara patut kawigunayang pinaka galah mangda irage prasida nyihnayang basa miwah aksara Bali ring Krama Dura negara. ring jaman panglimbak sekadi mangkin para rerama akeh sane ngajahin pianak-pianaknyane nganggen basa gaul, sepatutne iraga pinaka rerama pastika prasida ngajahin pianak-pianaknyane mangda nganggen basa bali santukan basa bali pinaka basa ibu sane patut iraga lestariang kaw ntenannyane. punika mawinan ageng pangaptin titiang majeng ring calon pamimpin mangda ngajahin miwah masosialisasiang indik mabuatnyane nganggen basa bali, nenten wantah ring kalangan sekolah kemanten nanging ring kalangan luar sekolah taler patut ngamolihang paplajahan-paplajahan indik mabuatnyane ngajegang basa miwah aksara bali, santukan punika pacang banget nyokong panglimbak buadaya bali ne puniki.
Ingih wantah asapunika sane prasida aturang titiang ring galahe sekadi mangkin dumogija napi sane nikaang titiang i wau prasida kauratiang antuk para pemimpin sane pacang rauh mangdane basa lan aksara Bali sayan- sayan akeh kramane sane nglestariang. Yening Wenten atur titiang sane nenten manut ring Arsa para Semeton titiang nunas geng Rena sinampura. panguntat atur titiang matur suksma tur puputang titiang antuk paramasanti OM SANTI,SANTI,SANTI OM
Enable comment auto-refresher