Pikopet El Nino ring Bali
- Title
- Pikopet El Nino ring Bali
- Affiliation
- SMASK Santo Yoseph Denpasar
- Regency/City
- -
- Author(s)
- Category
- High School
- Year
- Photo Credit/Source
- https://media.suara.com/pictures/653x366/2023/06/10/84276-bahaya-el-nino-di-indonesia-kekeringan.webp
- Video Credit/Source
- School/Org (if applicable)
- Location
In English
In Balinese
Om swastiastu,
Para angga panureksa sane wangiang titiang, miwah para semeton sami sane meneng ring Bali sane tresna sihin titiang. Sadurungnyane ngiring ngaturang puja pangastuti bakti dumun majeng ring Ida Sanghyang Widhi Wasa, riantukan sangkaning paswecan Ida, iraga sareng sami prasida ngemolihang kerahajengan tur masadu ajeng iriki ring parikrama Wikithon Partisipasi Publik Bali Berorasi. Rahinane mangkin titiang pacang ngaturang pidarta utawi orasi sane mamurda Pikobet El Nino ring Bali .
Semeton titiang sareng sami ring Bali, mangda kauningin el nino inggih punika suhu ring bumi puniki sane sayan nincap tur ngamedalang baya. Sakadi ring pulo Bali puniki akeh entik-entikanne tuh, alas akeh puun, punika taler ring genah sane embang prasida ngembasang api. Tiosan ring punika akeh taler biota laut san padem. Kahanane puniki sayan nglimbak, riantukan akeh polusi sane kamedalang saking kendaraan bermotor miwah industri, taler akeh saking iraga sane nenten urati ring palemahan, ngutang lulu miwah ngenyut lulu sane prasida nglimbakang pemanasan global ring jagatr puniki. Punika sane mawinan suhu ring bumi puniki sayan nincap. Iraga nenten mresidayang nglintangin pikobet el nino puniki, nanging iraga prasida nambakin antuk mautsaha nyaga tur urati teken keresikan palemahan iraga soang-soang.
Saking pikobet puniki, wenten pangaptin titiang majeng ring guru wisesa utawi pemerintah pamekasnyane majeng ring para calon pemimpin Bali sane pacang kapilih ring warsa kalih tali perang likur 2024 , mangda nguratiang baya el nino taler sane dahat mautama inggih punika nyaga kesehatan tur karesikan palemahan, mangda prasida nambakin baya saking pemanasan global. Pangaptian titiang taler mangdane wenten solusi sane pinih becik anggen ngentasin pikobet puniki miwah ngicenin imba ring krama baline sami antuk nyaga palemahan iraga mangda stata asri tur lestari.
Ngiring semeton titiang sareng sami nyarengin nguratiang tur nyaga kesehatan palemahan Bali mangdane stata asri tur lestari, taler prasida kaloktah pinaka genah wisata dunia sane becik, nyaman, tur aman anggen malilacita. Inggih wantah kadiasapunika sane prasida aturang titiang, titiang ngelungsur agung rena pangampura yening wenten atur titiang sane iwang tur nenten manut ring arsa ida dane sareng sami. Pinaka pamuput atur, titiang ngaturang parama santi. Om santih, santih, santih, om.
In Indonesian
Para saudara saya yang di Bali, el nino adalah kondisi dimana meningkatnya suhu muka bumi yang mengakibatkan banyaknya bencana yang terjadi di Bali. Seperti kekeringan, kebakaran hutan, kebakaran lahan kosong, kebakaran pohon, hingga matinya biodata laut. Ditambah dengan banyaknya polusi yang dihasilkan dari kendaraan bermotor dan industri, serta kurangnya kepedulian masyarakat Bali dalam menjaga kesehatan lingkungan dengan membuang sampah dan membakar sampah yang dapat mengakibatkan pemanasan global, sehingga menyebabkan meningkatnya suhu di bumi. El nino tidak dapat kita cegah namun dapat kita atasi dimulai dengan memperbaiki kesehatan lingkungan.
Dari permasalahan ini, saya berharap para calon pemimpin Bali yang akan terpilih pada tahun 2024 untuk lebih memperhatikan bahaya el nino dan pentingnya menjaga kesehatan lingkungan, agar dapat meminimalisir terjadinya pemanasan global. Saya harap agar para calon pemimpin Bali tahun 2024 dapat menemukan solusi yang tepat untuk mengatasi permasalahan ini dan juga dapat memberi contoh kepada masyarakat Bali dalam pentingnya menjaga lingkungan kita agar tetap asri dan Lestari.
Enable comment auto-refresher