Namtamin Kalanguan Jagat Bali ring Ambaralaya

Affiliation

Regency/City

-

Author(s)

Category

-

Year

Photo Credit/Source

Video Credit/Source

School/Org (if applicable)

Location

Sanur Kaja, Denpasar
The place does not exists yet in wiki, click to create it

Enable comment auto-refresher

Agung pusparini

34 months ago

Votes 0

That is really a good one!

Permalink | Reply

In English

—

In Balinese

Manut ring atur Bapak Sandiaga Salahudin Uno pinaka Menteri Pariwisata dan Ekonomi Kreatif Republik Indonesia, Bali dados provinsi sane nyumbangang devisa pinih akeh saking baga pariwisata ring Negara Indonesia. Sakewanten sekat Covid-19 ngusak-asik ring mercapada, turise nenten malih malancaran ka Bali. Sapunika taler kauripan pariwisata Baline dados padem. Indike puniki maprawesa kaon ring baga ekonomi, sosial taler psikis krama Bali. Krama Bali sane makarya ring genah pariwisata mangkin nenten malih madue pangupa jiwa, puniki ngawinang pikobet ring baga ekonomi. Santukan makasami sane kapredi patut katumbas nganggen jinah, ngawinang kramane osek ring kayun, pikobet medal ring psikis. Ring kahanan puniki, mangkin taler akeh kapanggih gegendong muah pengamen mabusana adat Bali ring pempatan margi, pikobet medal ring baga sosial. Santukan pariwisata Bali sane padem maprawesa kaon, punika mawinan patut karerehang pamutus mangda pariwisata Bali sida matangi malih.

Sapangrauh gering agung Covid-19, teknologi digital utawi ambaralaya nyansan nglimbak. Teknologi digital puniki sane prasida nangiang pariwisata Baline. Punapi carane? Yening manut panampen titiange, mangkin pemerintah Bali prasida ngadol kawentenan seni, budaya miwah palemahan pemandangan sane becik ka pasar dura negara malarapan antuk website. Manahang titiang website punika sakadi pameran online sane sampun lumrah kalaksanayang olih masarakat ring dura negara. Turise nenten musti rauh ka Bali, sakewanten saking digital experience manten ipun prasida namtamin kalanguan jagat Baline. Mangkin taler sane prasida kalimbakang wantah kesenian balih-balihan utawi performing art sane prasida karekam tur kasobyahang ring ambaralaya utawi digital. Krama Bali sane durung makarya dados karangkul mangda sareng-sareng malajah seni balih-balihan sakadi kecak muah tari kolosal lianan. Sane patut kacatet, sang sane meled jagi nyingakin sakancan video ring website punika patut numbas tiket sadurungnyane.

Saking makudang-kudang panampen sane aturang titiang iwawu, panglimbak teknologi digital dados titi pangancan nangiang pariwisata Bali sapisanan nglestariang seni miwah budaya Bali. Lianan ring punika, mangkin ring soang-soang genah pariwisata patut nyiagayang piranti protokol kesehatan mangda sang sane kayun jagi malancaran ka genah pariwisata punika tetep nguratiang protokol kesehatan pinaka panepis panglahlah gerin agung Covid-19. Dumogi gering agung gelis matilar, jagate mawali sekadi jati mula, taler pariwisata Bali prasida ngadeg tur kukuh.

In Indonesian

Menurut penyampaian Bapak Sandiaga Salahudin Uno sebagai Menteri Pariwisata dan Ekonomi Kreatif Republik Indonesia, Bali menjadi provinsi yang menyumbang devisa paling banyak dari bidang pariwisata di Negara Indonesia. Namun semenjak Covid-19 mengusak-asik dunia, para wisatawan tidak lagi berwisata ke Bali. Begitu pula kehidupan pariwisata Bali menjadi mati. Hal tersebut perpengaruh buruk di bidang ekonomi, sosial dan psikis masyarakat Bali. Masyarakat Bali yang bekerja di pariwisata saat ini tidak memiliki mata pencarian, ini menyebabkan perasalaha di bidang ekonomi. Karena semua yang dibutuhkan harus dibeli menggunakan uang, membuat masyarakat susah hati, permasalahan muncul di psikis. Dalam keadaan seperti ini, sekarang banyak ditemukan peminta-minta dan pengamen di perempatan jalan yang memakai pakaian adat Bali, permasalahan muncul di bidang sosial. Karena kematian pariwisata Bali berpengaruh buruk, maka perlu dicari jalan keluar agar pariwisata bisa bangkit kembali.

Semenjak kedatangan pandemi Covid-19,teknologi digital atau dalam jaringan semakin berkembang. Teknologi digital ini yang bisa membangkitkan pariwisata Bali. Bagaimana caranya? Bila menurut saya, saat ini pemerintah bisa menjual keberadaan seni, budaya dan keasrian alam ke pasar dunia melalui website. Yang saya pikirkan website tersebut seperti pameran digital yang sudah sering dilakukan oleh masyarakat di luar negeri. Para wisatawan tidak perlu datang ke Bali, namun hanya dengan pengalaman digital saja mereka sudah bisa menikmati keindahan alam Bali. Sekarang yang juga bisa dikembangkan yaiu kesenian pertunjukkan atau performing arts yang dapat direkam dan dibagikan secara daring atau digital. Masyarakat Bali yang belum mendapat pekerjaan dapat dirangkul agar bersama-sama mempelajari seni pertunjukkan seperti kecak dan tari kolosal lainnya. Yang perlu dicatat, yang ingin menyaksikan setiap video di website tersebut harus membeli tiket terlebh dahulu.

Dari beberapa pendapat yang saya sampaikan di atas, perkembangan teknologi digital dapat menjadi jembatan untuk membangkitkan pariwisata Bali sekaligus melestarikan seni dan budaya Bali. Selain itu, saat ini di masing-masing tempat wisata harus menyiapkan peralatan protokol kesehatan agar siapa saja yang ingin bepergian ke tempat wisata tersebut tetap memperhatikan protokol kesehatan sebagai pencegah penyebaran pandemi Covid-19. Semoga pandemi bisa segera menghilang, dunia kembali seperti sedia kala, juga pariwisata Bali bisa bangkit dan berdiri kokoh.