Om Swatyastu, Assalamualaikum Wa.Wb., Shalom namo budaya, Salam Sejahtera ring semeton sareng sami. Sane kusumayang titiang para calon pemimpin bali 2024, sane wangiang titiang para semeton sareng sami. Puja lan puji syukur titiang aturang ring Ida Sang Hyang Widhi Wasa duaning sangkaning paswecan Ida iraga prasida mapupul indik masala napi sane patut katangani olih pamimpin bali ring warsa 2024. Ring rahinane mangkin, titiang meled ngunggahang pikobet sane dahat mabuat tur sane banget merluang uratian iraga sareng sami. Bali, pulau sane iraga tresnasihin lan banggain, sedek ngarepin pikobet sampah sane nenten prasida kaicalang krana gelombang sampah sane sayan nincap, lan sampun galah majeng ring pamimpin Bali mangda ngicen uratian lan tindakan sane gelis. Kapertama, iraga nenten dados lempas saking fakta sampah plastik punika dados baya sane pinih ageng majeng ekosistem Bali. Pasih-pasih san asri, genah para turis seneng malila cita, mangkin sampun kacemerin olih luu plastik. Pamimpin Bali patut nuntun kampanye agresif anggen ngirangin kawigunan plastik sekali pakai, ngalimbakang kawigunan alternatif sane ramah lingkungan, miwah nyokong sistem daur ulang sane efisien. Salanturnyan , pengelolaan sampah san becik patut kamargiang. Pemimpin Bali patut nitenin malih kebijakan pengelolaan sampah sane mangkin, mastikayang sistem daur ulang punika efektif lan terjangkau antuk samian lapisan masyarakat, taler ngadorong masyarakat mangda nyortir sampah sane becik. N nten wantah punika, pendidikan masyarakat taler dados kunci rikala ngarepin pikobet sampah puniki. Pamimpin Bali patut mimpin utsaha-utsaha nincapang kasadaran krama indik dampak sampah ring palemahan miwah kesehatan i manusa. Pamimpin Bali taler prasida sareng sareng ring perusahaan miwah organisasi masyarakat sipil mangda prasida nglimbakang solusi inovatif ring widang pengelolaan sampah miwah makarya model bisnis san lestari. Parasemeton, iraga nenten mrasidayang nyantosang malih. Sane mangkin iraga patut malaksana sane patut. Pemimpin Bali maduw peran san mabuat pisan sajeroning nyanggra pikobet puniki. Ngiring iraga sareng sami sareng-sareng nyumbang mangda Bali bebas saking beban sampah sane ngancem kelestarian pulau puniki. Ngiring iraga sareng sami nyaga kaindahan alam Bali majeng ring generasi sane jagi rauh. Suksma.
Aktifkan pemuatan ulang komentar otomatis