Om Swastiastu, sane wangiang titiang para angga panureksa. Sapunika taler para Yowana sane tresnasihin titiang. Suksma aturang titiang majeng ring ida Sang Hyang Widi Wasa antuk paswecan Ida titiang prasida nyarengin acara Wikithon Partisipasi Publik Bali Berorasi . Lugrayang titiang matur orasi sane mamurda Pemilu Sehat Yowana Cerdas.
Para Yowana maka sami, galah 14 Februari 2024 sane jagi rauh jagi kalaksanayang pemilu utawi Pemilihan umum. Ring pemilu puniki para Yowana sane mayusa 17 tiban patut ngaturang suara utawi nyoblos. Duaning asapunika para yowana sapatutnyane sampun madue pilihan sane janten sapasira calon sane pacang kapilih ring galah pemilune punika, nenten dados ten sareng milih utawi golput. Iraga patut nyelehin sapunapi Visi Misi calon pemimpin makamiwah bukti nyata hasil kerja nyane majeng ring Pembangunan daerah miwah pemerataan ekonomi masyarakat.
Sangkaning punika ngawit mangkin, ngiring sareng eling nelebin ring widang politik. Napine sane ngranaang iraga milih jadma ne punika. Krana iraga para Yowana sane pacang nglanturang lan nentuang pamargin masa depan bangsa mawit saking pilihan iraga ring Pemilune benjang. Ten dados iraga asal percaya tekening munyi tanpa bukti. Apa buin nyoblos krana wenten sogokan. Yen keto iraga ane maan 100 tali tuah adina, jadma sane lianan rumasa meweh saurip nyane.
Ngiring dados Yowana sane jujur lan adil rikala pemilu, apanga iraga tusing nyesel pungkuran, pilihan iraga sane pacang nentuang masa depan bangsa. Yen suba patut cara memilih nyane, sehat dalam pemilu lan sampun ngelah pilihan calon pemimpin negara sane pasti, berarti iraga para Yowana sampun cerdas ring pemilu puniki. Ampunang nyoblos calon sane liunan sensasi lan tusing peduli tekening masyarakat utawi Yowana, ampunang Golput, lan ampunang nyak nerima jinah anggen sogokan.
Inggih asapunika sane prasida aturang titiang, gening wenten iwang titiang nunas geng rena sinampura. Puputang titiang antuk paramasanti. Om santih, santih, santih Om.
Aktifkan pemuatan ulang komentar otomatis