Kawasan Jalan Gajah Mada Heritage
- Name of Place
- Kawasan Jalan Gajah Mada Heritage
- Location
- Reference
- https://bit.ly/2z4t54Q
- Lontar
- Folktales
- Biographies
- Children's Books
- Books
- Holidays and Ceremonies
Information about place
In English
In Balinese
Genah tetamian budaya Jalan Gajah Mada Denpasar inggih punika papindayan saking kota Denpasar sane lingsir rahinane mangkin. Genah puniki kadasarin antuk wangunan-wangunan lingsir sane kadadosang toko. Toko-toko sane majajar ring Jalan Gajah Mada puniki ngwedar indik genah punika dados genah matetumbasan pinih ageng ing kota Denpasar kantos mangkin. Makasami pralambang alikan kota Denpasar pinaka ibukota Provinsi Bali sida kauningin ring genah puniki. Ngawit saking pangenten kota Denpasar, hotel kapertama, miwah pulah-palih ekonomi masarakat.
In Indonesian
In English
In Balinese
Patung Catur Muka kaadegang duk warsa 1973 olih silih tunggil seniman Bali mapesengan I Gusti Nyoman Lempad saking Desa Ubud. Patung puniki madue tegeh 9 meter. Genah patung puniki marep ring makapapat arah, luire: kangin, kauh, kaja, kelod.
Nglangkungin Catus Pata patung Catur Muka Denpasar, jagi kacingak asiki jam lonceng tetamian Welanda duk warsa 1930. Tetamian penjajahan Welanda maosang pempatan puniki pinaka Pempatan Lonceng. Ring warsa 1970an, kawangun patung Catur Muka pinaka lambang genah puunika Catus Pata Utama sane wantah poros kota Denpasar.
In Indonesian
In English
In Balinese
Museum Bali pinaka cihna kabudayan miwah kapurwan krama Bali. Tembok, natah kantos ka angkul-angkul kawangun sakadi puri utawi keraton ring Denpasar.
Wenten papat bangsal ring komplek museum. Bangsal ring genah puniki ngwakilang makudang-kudang kabupaten ring Bali, luire : Karangasem, Tabanan, miwah Buleleng. Museum Bali puniki kaadegang santukan ide saking W.F.J. Kroon.
In Indonesian
media-kitlv / Bali Museum, 1927
In English
In Balinese
Inna Bali inggih punika hotel sane kapertama ring Bali tur magenah ring pepusuhan kota Denpasar, nampek sareng utamaning niti mandala, bisnis, genah matetumbaan, miwah lila cita. Ri sampune wusan mawasta Natour Bali Hotel, raris kawastanin Inna Bali Hotel, taler duk Maret 2017 wangunan tetamian puniki kawastanin Inna Bali Heritage Hotel. Hotel puniki kaadegang ring genah Puputan Badung warsa 1906, inggih punika perang kantos telas rakyat Bali nglwana Belanda.
Ring bulan April 1932, komedian legendaris Charlie Chaplin miwah rakannyane Sidney, rauh ring Bali Utara tur check-in ring Bali Hotel. Ring warsa 1946, hotel puniki dados genah Konferensi Denpasar 1946 sane ngembasang Negara Indonesia Timur taler Cokorda Gde Raka Sukawati pinaka ratuning rat. Ring tanggal 23 Juli 1952, Presiden Soekarno namiu Presiden Filipina Elpidio Quirino ring hoel puniki. Makudang-kudang ratuning jagat lianan naenin meneng iriki ri kala dane malancaran ka Bali, sakadi Ratu Elizabeth, Mahatma Gandhi, dan Jawaharlal Nehru.
In Indonesian
In English
In Balinese
Monumen Puputan Badung sane mangkin kaloktah antuk Lapangan Puputan Badung I Gusti Ngurah Made Agung magenah ring papusuhan kota Denpasar, ring arep Museum Bali. Monumen puniki wenten ring sisi kaler Lapangan Puputan sane nguni dados genah maperang, ri kala Perang Puputan Badung duk warsa 1906, ri kala Belanda nyerang Denpasar.
Kruna puputan mateges kantos telas. Dadosnyane, monumen puniki wantah pinaka wangun anggen ngelingang miwah misajiang krama Bali sane maperang kantos telas nglawan Belanda. Mangkin monumen Puputan Badung dados genah malancaran olih krama kota Denpasar.
In Indonesian
I Kadek
Enable comment auto-refresher