UPGRADE IN PROCESS - PLEASE COME BACK MID JUNE

Sang Kala Bajang Bukal

From BASAbaliWiki
20230331T142835842Z778731.jpeg
0
Vote
Title
Sang Kala Bajang Bukal
Photo Credit/Source
Ogoh-Ogoh ST. Putra Tunggal
Artist / contributor
Ida Ayu Made Widiantari, Ni Kadek Diah Wulandari, I Made Wiswakarma Prana Arta
Genre
-
Related Place
Organization/school


Add your comment
BASAbaliWiki welcomes all comments. If you do not want to be anonymous, register or log in. It is free.

What values do you want the government to learn from your choice of Ogoh-ogoh?

In English

In Balinese

Pulo Bali sampun kaloktah ring dura negara indik seni lan budaya. Napi malih akeh madue tradisi sane silih tunggilnyane kawentenan ogoh-ogoh. Tradisi ogoh-ogoh puniki pacang kalaksanayang ring sasih kasanga sadurung rahina Nyepi. Ogoh-ogoh nyihnayang indik bhuta kala ring jagate. Kawentenan tradisi puniki anggen nangluk merana utawi menolak bala mangda iraga sareng sami satata prasida nemonin karahayuan ring jagate.

Sang Kala Bajang Bukal inggih punika silih tunggil ogoh-ogoh sane kakaryanin olih STT Putra Tunggal, Desa Kapal. Ogoh-ogoh puniki marupa bukal utawi kelelawar pinaka soroh buron sane seneng pesu ring pangentos galah sanja rauh ka wengi utawi sandikala.

Mawit saking lontar Tutur Panus Karma, kawentenan nyama bajang ngeninin indik kasaktian Ida Sang Hyang Widhi Wasa sane ngwantu kanda pat punika nyaga anak cerik utawi bayi sane kantun ring tengah basang memene. Nyama bajang punika akehnyane wenten 108 silih tunggilnyane inggih punika Sang Kala Bajang Bukal.

Sang Kala Bajang Bukal punika sarahina-rahina nguyak para jadmane uli cerik kantos kelih yening jadma punika nenten ngalaksanayang upacara tigang sasih utawi upacara tigang bulanan sane kalaksanayang antuk anak cerik sane warsanyane kari 105 hari. Upacara puniki madue tatujon inggih punika anggen ngaturang suksma manah ring nyama bajang mangdane yening sampun nutug kelih nenten malih ngusak - ngasik olih Sang Kala Bajang Bukal punika.

Bahan-bahan sane kaanggen makarya ogoh-ogoh punika akeh kari nganggen gabus lan styrofoam, punika ngawinang akeh sampahe makacakan ritatkala ngaryanin ogoh-ogoh. Pemerintah sapatutnyane nganikain indik bahan sane kaanggen ngaryanin ogoh-ogoh punika becikan yening nganggen bahan sane ramah lingkungan minakadi malakar ban ulat-ulatan tiing.

In Indonesian

Pulau Bali sudah terkenal sampai ke manca negara tentang seni dan budaya. Apalagi banyak mempunyai tradisi yang salah satunya keberadaan ogoh-ogoh. Tradisi ogoh-ogoh ini dilaksanakan pada sasih kasanga sebelum hari raya nyepi. Ogoh-ogoh menceritakan tentang bhuta kala di dunia. Keberadaan tradisi ini digunakan untuk penolak bahaya dan berbagai penyakit agar kita semua selalu bisa menemukan keselamatan di dunia.

Sang Kala Bajang Bukal merupakan salah satu ogoh-ogoh yang dibuat oleh salah satu STT Putra Tunggal, Desa Kapal. Ogoh-ogoh ini menceritakan gambaran seperti bukal atau kelelawar yang biasanya sosok ini akan mulai ada atau keluar ketika pergantian waktu dari sore ke malam atau biasa disebut dengan sandikala.

Menurut lontar Tutur Panus Karma, nyame bajang adalah kekuatan Sang Hyang Widi Wasa yang bertugas membantu kanda pat dalam menjaga si bayi ketika mash dalam kandungan, nyame bajang terdiri dari 108 makhluk halus salah satunya yaitu Sang Kala Bajang Bukal.

Sang Kala Bajang Bukal akan menggangu manusia dari kecil hingga dewasa jika manusia tersebut tidak melaksanakan upacara tiga bulanan yang dilaksanakan saat bayi berusia 105 hari, upacara ini bertujuan untuk berterima kasih pada nyame bajang yang nantinya ketika dewasa tidak akan diganggu oleh Sang Kala Bajang Bukal ini.

Bahan-bahan yang digunakan ketika membuat ogoh-ogoh tersebut banyak yang masih mempergunakan gabus dan juga styrofoam yang membuat banyaknya sampah saat pembuatan ogoh-ogoh. Pemerintah sepatutnya memberi tahu agar STT (sekaa teruna teruni) membuat ogoh-ogoh tersebut lebih baik mempergunakan bahan-bahan yang ramah lingkungan seperti anyaman yang terbuat dari bambu.