Semengan jam 7 tiang sampun nyemak sepeda keliling desa, ngelewatin carik, tukad, miwah umah-umah di desa. Sedek tiang masepedaan, mih pedalem pesan atin tiange nepukin I Petani sane sampun lingsir sedeng numbeg carik. Uli semengan majemuh di carike kanti tengai, sing nawang leleh. Lantas ka takonin tiang, dija nak cenik e kak? ngujang pekak sampun linggsir nu masih magarapan di carik ? Anak muda zaman janine ije nyake megae di carik dadi petani, daki, selem, maan bati abedik keto lantas pesaut ne. Raos e punika jeg beneh sajan, nah yen kene unduke kenken sapatutne iraga jani? Bali punika makeh wenten lahan carik tur genah wisata alam sane patut kalastariang. Masalah ne mangkin generasi petani ngancan ngreredang, krane usia lan wenten pembangunan miwah alih fungsi lahan ne ento. Petani ne jemet magarapan ring carik, sakemaon mangkin hasil panen sawah kaadol mudah pisan, san ngawinang rugi para petanine sami. Sangkaning punika perlu regenerasi petani melalui program petani Milenial. Para Pemerintah mangda ngicenin Sosialisasi ka generasi milenial duaning generasi punika paling aktif ring zaman kadi mangkin, tiosan ring punika mangda pemerintahe ngwantu pemasaranne, ngenahang modal ne apang generasi milenial wenten minat dadi petani. Apa buin, di zamane mangkin generasi muda ne lebih liu megae di kota. Programe puniki ngwantu pisan pamerintah ring Bali mangda prasida nyage bali tetap asri lan ngardika wirausahawan muda ring bidang pertanian.
Aktifkan pemuatan ulang komentar otomatis