Om Swastiastu, Titiang Ni Komang Ayu Apriliani. Ring galahe sane becik puniki, titiang jagi ngaturang pidarta sane mamurda JAGAT RESIK, IRAGA RAHAYU. Inggih ratu Ida dane sareng sami, maosang indik aab jagate mangkin sane kasengguh globalisasi, akeh pisan mesin utawi perabot sane embas mejalaran antuk pamargi teknologi sane sadina-dina stata ngae I manusa elah ngemargiang swagina taler swadarma ngawit saking pakaryan nyantos ngemargiang yadnya, akehan perabot punika sampun keni modernisasi, modernisasi yen nyingak majalaran antuk rwa bineda, madue kawigunan sane prasida ngicen pemargi sane becik, I manusa nenten nemu pakeweh malih ritatkala ngemargiang swadarma taler yadnya, minakadi sane dumun yen iraga jagi pacang nenggala pastika sampun ngrereh sampi utawi kebo, nanging ring dinane mangkin I raga nenten malih nganggen sampi utawi kebo, sakewenten wenten mesin sane prasida nyilurin I sampi lan I kebo sane dados unteng yening iraga pacang nenggala carik utawi tegal, mesin sane rupannyane nenten seageng teler prabiyannyane sane nenten akeh, ngawi iraga eleh taler aluh. Sakewanten, mesin taler prabot sane embas saking modernisasi taler madue kaiwangan, taler medue pikobet, akehan mesin taler prabot punika kebuat saking plastik utawi sebiosnyane. Plastik meweh pisan kelebur santukan plastik kewangun antuk polimer sintetik sane mawinan mikroorganisme sane wenten ring tanah, nenten prasida ngelebur luhu santukan nenten medue enzim sane prasida ngelebur polimer sintetik punika. Sadina-dina gumin iraga jagi pacang akehan luhu, sane mawinan lingkungan iraga cemar, tanah nenten subur malih, danu sane asri pastika jagi cemer, santukan akehan plastik. Malarapam sapunika, ngiring jaga lan lestariang jagate, sampunan nganggen plastik sekali pakai, gentosan anggen luhu utawi prabot sane prasida di daur ulang, sampunang ngutang luhu sembarangan utamannyane luhu plastik, becikang ngolah luhu, Jagat Resik, Iraga Rahayu. Om Santhi, Santhi, Santhi Om
Aktifkan pemuatan ulang komentar otomatis