Indonesia pinaka panegara sane ageng, madaging antuk akeh pulau-pulau lan jatma mawit saking makudang-kudang suku, agama, ras, budaya lan sane lianan. Nyeneng ring pabinayan punika rawan antuk pahan. Punika mawinan patut iraga uning pabinayan iraga sareng sami yening tusing kapiara becik prasida dados pikobet ageng minakadi pabinayan sareng budaya sane lianan, kecemburuan social, sentimen soang-soang daerah miwah sane lianan.
Ring Bali, pinaka contoh sujati kawentenan pabinan iraga maagama wenten kearifan lokal sane Kantun kaparcaya ngantos mangkin. Kearifan lokal pinaka usaha nyaga lan mretenin adat istiadat lan pabinayan sane wenten ring Bali. Duaning sampun wenten ring konstitusi negara. Pasal 28E ayat 1 lan Bab IX pasal 29 ayat 2 UUD 1945sane kasurat satunggil jatma bebas meagama lan mebakti manut agama nyane soang-soang . Pinaka panglimbak pasal-pasal punika ring Bali wenten kearifan lokal inggih punika mawasta Tri Hita Karana.
Tri Hita Karana pinaka tigang margi sane dados filosofi lan nyekenan ring tigang aspek paiketan social. Tigang aspek puniki luir nyane : 1 paiketan manusa sareng Ida Sang Hyang Widhi utawi Tuhan Yang Maha Esa, 2 paiketan manusa sareng manusa sane lianan lan, 3 paiketan manusa sareng palemahan nyane. Katiga paiketan punika madue pangulaman antuk aspek ring sawewengkan nyane sahananing dasar keselarasan sepantaring uma. Indika punika pinaka ngaryaning paiketan sane becik, santi lan landuh.
Tri Hita Karana madue tigang unsur Parahyangan, Pawongan lan Palemahan. Unsur Pawongan pinaka unsur sane mautama ritatkala iraga lakar nyaga paiketan pasemetonan. Napi malih nyaga pabinayan agama, ka sokong malih antuk unsur parahyangan lan palemahan. Indik unsur pawongan pinaka nyaga pasemetonan ring Bali sampun kacihnayang antuk Menyama Braya .
Semalih nyane ring Bali tradisi puniki sampun kemargiang duk saking sue. Tradisi punika nglimbak ngantos mangkin yadiastun rin Bali wenten akeh agama lan budaya sane rauh tur nyeneng di Bali. Sawireh kawentenan menyama braya punika yening wenten pabinayan agama lan budaya karma Bali nenten sungkan matetulung. Krana ring konsep menyama braya punika wenten tatwam asi, wasudewa khuntumbakan iraga makasami menyama . Segilik seguluk sebanyantaka, paras poros sarpanaya lan saling asah, asih, asuh.
Menyama braya punika taler nyaga keharmonisan lan pasemetonan umat maagama. Di Bali sampun akeh conto nyane. Pecalang ring Bali mejaga ring kawentenan Hari Raya umat agama sane lian di Karangasem. Kasenian punika pinaka kolaborasi Burdah Islam Melayu lan Cakepung Karangasem. Siosan malih wenten wewidangan sane mawasta Puja Mandala sane marupa ilmu genah mebakti saking lima agama metiyosan. Asapunika iraga pinaka karma Bali patut pisan uning ring menyama braya krana prasida nincapang pasemetonan, toleransi maagama, nyalanan dharma agama lan dharma negara.
Enable comment auto-refresher