- Title
- LITERASI
- Affiliation
- SMK NEGERI 1 Amlapura
- Regency/City
- Karangasem
- Author(s)
- Category
- High School
- Year
- Photo Credit/Source
- Video Credit/Source
- School/Org (if applicable)
- Location
In English
In Balinese
LITERASI RING KABUPATEN KARANGASEM
Om Swastyastu Karangasem pinaka sinalih tunggil kabupaten ring provinsi Bali sane magenah ring Bali sisi kangin. Buku adalah jendela dunia , sapunika kaucap ring paribasa Bahasa Indonesia nanging kawentenanne sane mangkin minat literasi lan ngewacen sisya sayan kirang, yadiastun ring suang suang sekolah lan kota polih perpustakaan sane nyayagayang akeh buku sane prasida kewacen. Nanging akeh sisya nenten prasida rauh lan ngewacen buku ring perpustakaan. Yening uratiang ngewacen lan maliterasi madue pikenoh sane becik pisan lan prasida akeh polih kawiguna. Kirangnyane minat ngewacen lan maliterasi sisya pastika wenten sane ngawinan, minab sane ngawinan inggian punika kirangne minat malajah sisya, iusan saking handphone sane ngalintangin wates, iusan saking lingkungan sosial sane kirang, lan kirangnyane uratian saking rerama utawi kulewarga. Pikobet pikobet punika ngawinang angga para sisya dados males, nenten madue kemampuan daya saing, nenten madue kaweruhan sane anyar sane prasida ngewantu sisya benjang pungkuran lan kakirangan sane siosan. Yening literasi nenten kerunguang utawi kacampahang olih para sisyane lan masyarakat, niki ngawinang pikobet sane anyar tur ngerugiang utawi ngangonang ring aab sane pacang rauh masa depan . Nika mawinan mangda prasida nincapang minat baca lan maliterasi sane mangkin, nenten mawit angga sisya ke manten sakemaon mangda sami stackholder pihak pihak sareng sareng mgewangun minat baca punika pemerintah, lembaga pendidikan, lan masyarakat mangda sareng taler nincapang program literasi puniki. Sapunapi care nincapang literasi ring kabupaten Karangasem? Sinilih tunggil tata cara nincapang literasi puniki sane pinih dangan inggih punika ngangge teknologi, minakadi nyayagayang website lan aplikasi literasi digital sane becik lan sida naut manah semeton karangasem jagi ngewacen, program perpustakaan keliling mangda kauripang malih ring kabupaten karangasem sadina dina utawi abulan pisan, perpustakaan keliling ngerauhin kantor desa, lapangan desa, sekolah miwah genah sane tiosan. Saking masyarakat nincapang literasi minakadi ngewangun pondok baca ring suang suang banjar benjangan sadurung parum semeton krame banjar ngewacen buku, awig awig, informasi anyar ring desa miwah sane tiosan. Ring lembaga pendidikan mawit saking SD ngantos Perguruan tinggi ring kabupaten Karangasem mangda madue program ring sekolah wenten awig awig sane ngutsahayang sisyan ipune mangda tetap ngewacen buku. Conto program ring sekolah 10 menit ngewacen buku sadurung malajah ring kelas miwah sane tiosan. Sapunika solusi utawi tata cara ngalimbakang utawi nincapang literasi, Solusi tanpa aksi hanyalah bualan semata nika mawinan tyang madue manah nyarengang alit alit, timpal timpal tiyang, truna truni, masyarakat, lembaga pendidikan, pemerintah mangda sareng sareng ngutsahayang nincapang literasi ring kabupaten karangasem. Dumogi napi sane tiyang sobyahang prasida kalaksanayang utawi kauratiang pikenoh nyane mangda sida nincapang literasi ring kabupaten Karangasem tur sida ngewangun generasi sane madue kaweruhan sane limbak, saha sida ngewangun Karangasem sane maju. Om Santih Santih Santih Om
Enable comment auto-refresher