Matur suksma titiang aturang majeng ring pangenter acara antuk galah sane kapaica ring pasikian titiang. sadurung titiang nguningayang atur pinih rihin lugrayang titiang ngaturang pangastungkara umat Om Swastiastu sane wangiang titiang para angga panureksa, sane mustikayang titiang para manggala prawartaka, Miwah tim BASA bali Wiki, lan ida dane sareng sami sane banget tresnan sihin titiang. Angayu bagia aturang titing majeng ring Ida Shang Hyang Widhi Wasa santukan pasuwecan ida iraga lan ida dane sareng sami prasida mapupul ring galah sane becik puniki. Suksma banget majeng ring Tim BASA bali wiki sampun ngwacen galah titiang nyurat orasi sane ngeninin indik pikobet mendesak sane patut kauratiang olih pemerintah, inggih punika pikobet UMK BULELENG SANE KARI ALIT. Manut ring data sane sampun ketetepang olih gubernur bali buleleng dados umk sane pinih alit duaning kirangnyane panglimbak pariwisata miwah kirangnyane SDM ring Buleleng. Kwentenan SDM puniki akeh krama buleleng sane milih ngungsi ka kota sane madue umk sane ageng sane prasida nagingin kauripan. Sedeng umknyane kari alit raris punika cara nanganin antuk nglimbakang pariwisata sane wenten ring buleleng sakadi pariwisata alam sane wenten ring sambangan, sudaji, pantai lovina miwah wewidangan pariwisata lianan ring buleleng. Antuk punika prasida kaciptaang pakaryan miwah nimcapang UMK utawi perekonomian buleleng. Panglimbak pariwisata puniki prasida kamargiang antuk pamargi becik minakadi 1 ngirangin sampah sane pacang dados genah wisata,ngwangun prasarana perlengkapan miwah fasilitas pelayanan tiosan antuk wisatawan 2 ngenahang wisata sane wenten ring pelosok desa mangda wisatawan uning lan tertarik berwisata lan 3 ngelola objek miwah daya tarik wisata minakadi ngamargiang festival ring lovina miwah ngelola wisata wisata alam sane liannan ring buleleng. Inggih ida dane sareng sami cutetangnyane yening pariwisata sampun becik kamargiang,sinah para wisatawan pacang seneng tur SDM ipun lan UMK utawi perekonomian buleleng sayan nincap. Inggih ida dane sareng sami wantah asapunika orasi titiang yening wenten kruna sane iwang titiang nunas pangampura, puputang titiang antuk paramashanti Om shanti shanti shanti Om .
Aktifkan pemuatan ulang komentar otomatis