OM SWASTIASTU Sane wangiang tityang para angga panureksa. Sapunika taler para semeton yowana lanang lan istri sinareng sami sane tresna asihin tityang.
Kaping ajeng ngiring sareng sareng ngaturang rasa angayubagia kaaturang majeng ring ida sang hyang widhi wasa antuk paswecan ida bhatara iraga kaicenin karahayuan lan karahajengan.
Ida dane sareng sami napi sane kalintang ring manah ida dane yening mirengang kruna turis? Turis inggih punika sang sane magenah ring dura negare sane melancaran ring Bali utawi Pulau Dewata jagi miarsayang keasrian jagat bali puniki.
Akeh pisan genah sane dados karauhin olih pare turis sinamian, nanging elingang ring sajeroning genah pastika wenten awig awig sane kapatutin olih sang sane ngerauhin genah punika.
Nenten akidik turis dura negare sane nenten nginutin awig awig punika. Dadosnyane kelestarian lan keasrian Pulau Dewata puniki nyansan ngerered. Pastika warge Bali nenten seneng yening wenten turis sane ngelaksanayang sekita manah ipun nyane ring Bali.
Conto sane kocap viral ring jagat Bali inggih punika Turis sane nenten madue manah ngemunggahin taru sane kasakralang ring Tabanan Bali . Turise punika nenten maderbe pikeneh, ring genah punika sampun wenten kasayagayang awig awig sane patut kamanutin olih sang sane mawisate. Nenten malih kamanutin.
Taru punika banget kasakralang olih warge Bali khususnyane Tabanan. Taru punika sampun mayusa 700 warsa. Meakehan pisan wisatawan nyane sane ngaryanin kalestarian balinyane ngangsan ngerered duaning parilaksana sane nenten manut lan nenten kasenengin warge bali.
Pamimpin Bali sane jagi kasudi ring warsa 2024 kapastiyang nguratiang indik turis dura negare sane nenten ngemanutin awig awig sane sampun wenten ring genah wisate mangde kalastarian budaya Bali nenten nyansan sirna.
Jagat Bali punika pinaka jagat wisate duaning wenten akeh tradisi lan budaya sane nenten wenten ring dura negare. Punika mawinan akeh wisatawan meriki. Taler pare wisatawan ka Bali jagi miarsayang kaayuan utawi kaasrian alam bali.
Tiang nunas majeng ring pamimpin Bali sane jagi kasudi mangde nguratiang lan muputang parilaksane sane nenten kapatutang ring Bali mangde Bali setate ajeg lan lestari. Duaning sangkaning sang sane dumun meweh pisan ngemanggehang bali sane wenten sekadi mangkin. Taler mangkin Bali sampun asri punika patut malih kalestariang antuk tradisi lan budaya.
Kadi asapunika sane prasida aturang tityang, kirang langkung tityang nunas pangampura yening wenten sane nenten manut ring pikeneh ida dane sinareng sami.
OM SANTIH SANTIH SANTIH OM
Enable comment auto-refresher