Sabilang lakar majalan ka sekolah, dot pesan tiang ngrasayang udara seger sambilang ningalin entik-entikan di sisin jalane. Unduke ento tusing anut teken pangarep titiange, tusing kakeneh baan apa ane mekada. Adi mara jam 06.30 semeng sube len asan udara di jalane, suba bek sajan rasan polusi di jalane. Mirib ulian jam amonto suba bek pasliweran trek, bis, mobil lan onda. Ento suba ane ngae udarane cemer, apa buin liu ane enu nganggon bahan bakar solar. Peh jeg nyangetang sajan suba. Suba kanti dadua nganggo masker enu masih tembus ka cunguhe. Konden masi ada anake ane nganggo knalpot gede mangroeng disamping kupinge, serasa belah asane kuping ningehang. Kudiang men jani nak makejang perlu ajak alat-alate ento. Ada ja wacana pemerintahe ngentosin nganggon transportasi listrik, nanging ento mara sebatas wacana konden nyidang ngantosin makejangne. Nah nika mawinan, tiang mapineh-pineh mangda Bali prasida bebas saking polusi udara. Yening nyidang, Bali prasida nuutin sekadi ring panegaran Jepang nganggen sepeda gayung utawi sepeda listrik mirib Bali nyidang sayan asri. Lianan krana bersepeda punika sehat taler prasida ngirangin polusi udara tur inih prabea. Coba iraga kletekang, polusi udara punika kan prasida ngranayang gangguan pernapasan sekadi sesak napas, asma, penurunan fungsi paru-paru, ISPA Infeksi Saluran Pernapasan Akut lan enu liu biin. Buin besik, yening terus ada polusi udara di Bali ada kal liu turis-turis nyak melali mai ke Bali? Yening pulo Baline bresih lan asri tan pa polusi kan luung, sira gen nyak kal melali mai ningalin kaasrian alam tur budaya Baline.
Aktifkan pemuatan ulang komentar otomatis
Komang Mahendra
Permalink |
Anonymous user #1
Permalink |
Vinda
Permalink |