Literature Intropeksi diri

Title (Other local language)

Photograph by

Author(s)

Ni Komang Sridadi

Reference for photograph

Subject(s)

Reference

Related Places

Event

Related scholarly work

Reference

Competition

opini

Enable comment auto-refresher

I Wayan Widiana

41 months ago

Votes 0

Mantap pisan niki, santukan peran rakyat indik kesehatan ring dewek ipun banget kautamaang. Yening nenten saking dewek pedidi sane patut nyage Kebersihan utawi kesehatan sire malih??? Rakyat patut intropeksi diri ring dewek nyane soang-soang. Sampunan melihang pemerintah manten. Apang tusing care buka sesenggake "care babakan pule" bisa ngorain nanging anggo pedidi tusing ade. Intine irage tetep waspada, intropeksi diri!

Suksma🙏🙏🙏

Permalink | Reply

I Gusti Ayu Ngurah Artini

41 months ago

Votes 0

Om Swastyastu manut titiang niki becik pisan. Santukan pemerintah sampun mautsha micayang sahananing pamargi nepasin indik wicara copid-19 puniki. Yadiastun durung sidha paripurna. Pinaka rakyat taler patut nyarengin nyaga kesehatan anggane soang-soang malarapan antuk taat ring aturan pemerintah. Dumogi sangkaning kerjasama saking rakyat lan pemerintah kadulurin antuk paswecan ida snag hyang widhi pikobet jagate puniki jagate prasida gelis katepasin, kenak rahayu sareng sami jagate manggih kadirgayusan labda karya sidaning don. suksma

Permalink | Reply

Nuryana Wyn

41 months ago

Votes 0

om Swastyastu, Manut titiang kawentenan puniki sampun becik . Kawentenan pamargi gering agung covid-19 puniki ngwentenang makasami kramane meweh sakadi akeh sane nenten malih makarya utawi PHK, ring wewidangan pariwisata taler nenten manggihin tamiu, bilih-bilih ring krama sane mautsaha madolan ring pasar miwah sane tiosan makasami meweh. Kawentenan jagat sakadi mangkin patut makasami patut mulat sarira nindihin angga soang-soang sakadi ring pemerintah sampun ngamargiang PPKM miwah ring angga patut ngamargiang 5M (nganggen masker, nyaga jarak, ngwangsuh tangan, nenten mapulpulan taler ngirangang pakaryan sane nenten mabuat). pinih patut yening dagang-dagang punika kaicen maadolan, sakewanten patut trepti . Rikala sampun prasida mamargi ring soang-soang angga punika, sinah kawentenan perekonomian taler kantun prasida mamargi. Santukan parilaksana ring angga prasida ngwentenang suka asapunika taler santukan parilaksana prasida ngwentenang duka utawi baya.

Dumogi sami rahayu.

Om Santih, Santih, Santih, OM

Permalink | Reply

Description

In English

⏤

In Balinese

Jaman cara jani makejang kebijakan pemerintah indik Copid-19 karasayang pelih. Yadiastun pemerintah suba ngemaang rakyate bantuan marupa sembako, pipis nanging satata kuangan. Ane dadi sanget masalah peken, toko kabatasin dagange ngeluh sing ngidang hidup, ulian Copid-19 payuk jakan sing ngidang makudus. Rakyate sing baanga pesu makejang uyut mati makenta, yen keneh-kenehang tusing ja ulian Copid-19 mekada mati, nanging ulian tusing ngidang ngalih isin basang, setres tusing ngidang mayah cicilan di Bank, LPD, Koperasi. Yening baang kebebasan rakyate pesu sing bisa nyaga ukudan, nanging yen suba kena Copid-19 pemerintahe masih kene pelih orahanga tusing ngundukang rakyat. Paling melah peken, tokone baang mabukak kewala rakyate apang tetep taat teken peraturan. Yen ada malanggar patut baang sanksi ane berat, yening sampun kaicen sanksi ane berat sinah rakyate lakar jejeh. Rakyate baang pesu bebas, kewala apang tetep manut protokol kesehatan sane kabaos 5 M: Mencuci tangan, Memakai masker, Menjaga jarak, Menjauhi kerumunan, Mengurangi mobilitas lan rakyate mangda mavaksin tur nenten lali bhakti ring widhi. Yen ulian kebebasan ene laut lantas kena covid-19 patut ia bani tanggung jawab teken dewekne pedidi, tusing dadi melihang pemerintah. Mula keweh mendidik masyarakat apang bisa bertanggung jawab teken parilaksanane. Buka sesenggake apa ane pula keto ane puponin . Yen iraga pedidi tusing bisa nyaga kesehatan, sinah penyakit ane lakar nekain. Ngiring jaga kesehatan soang-soang, sampunang satata tuah bisane melihang anak lenan. Tetep intropeksi diri uling dewek pedidi, nyaga kebersihan apang tetep sehat.

In Indonesian

⏤