Literature Menjaga Persaudaraan dan Tergerak Menolong Sesama Sebagai Mahluk Sosial

20220518T132111744Z718398.jpeg
0
Vote
Title (Other local language)
Photograph by
Panitia
Reference for photograph
Author(s)
Subject(s)
    Reference
    Related Places
    Event
    Related scholarly work
    Reference
    Competition
    Pengungsi


    You are not allowed to post comments.

    What is your attitude and responsibility to refugees who come to your area because of a conflict such as what's happening in Ukraine?

    Description


    In English

    In Balinese

    Denpasar, Manusa pinaka mahluk sosial sane madu pikayunan sane mabinayang riantukan kawentenan rwabhineda. Pabinayan san kaduenang mersidayang mapikenoh sane becik sakewanten mersidayang taler ngawinang sengkala ring jagate. Pikenoh sane becik punika sida pinaka sarana nyatuang samian manusa ring jagat , sapunika taler panyengkalan sida ngawetuang sengkala sane marupa konflik. Konflik sida metu saking rebat mawit saking individu sareng individu, kelompok sareng kelompok tur nagara sareng nagara.

    Silih tunggil konflik san wenten mangkin tur ramya katuturang ring brita inggih punika konflik antar negara Rusia lan Ukraina. Konflik punika sampun mamargi kirang langkung tiga sasih, sakewanten durung taler macihna pacang rered. Konflik punika ngawinang peperangan saking kalih panagara punika. Peperangan ngawinang byuta tur akeh pisan nelasang prabeya. Akeh taler para janane sane rugi antuk konflik punika, rugi fisik taler non fisik.

    Operasi militer Rusia ring Ukraina ngawinang akeh krama Ukraina san dados korban. Lianan punika, ngawinang akeh krama Ukraina sane kilangan arta sapunika taler pangupa jiwa. Kawentenan punika patut gelis katepasin mangdan nenten sayan nglahlah. Manut sakadi UNHCR United Nations High Commissioner For Refugees sane ngamongin indik perlindungan taler ngicenin bantuan pemenuhan dasar ring para pengungsi, indik krama Ukraina sampun sawatara rangkung lima juta krama Ukraina sane sampung ngungsi ring genah tiosan lan negara tiosan. Akuh pengungsing nyansan akeh ring genah lianan. Riantukan ring Ukraina nenten wenten rasa aman sange nudut krama Ukraina matilar saking panagaranyane. Sakewanten, pula pali pengungsian punika nenten dangan kalaksanayang riantukan patut nganutin peraturan sane sampun wenten. Puniki ngawinang krama Ukraina merasa osah tur jerih antuk kawentenan perang sane nenten rered.

    Para pengungsi sampun ngorbanang sakancang sane kaduenang sakadi umah, arta, negara lan kulawarga. Pengungsi taler ngorbanang jiwa riantukan parilaksana tur rebat sane nenten kakaryanin antuk ragannyan . Kawentenan puniki nudut pikayunan pacang ngawantu pinaka swadharma pinaka manusa. Pengungsi sane sampun lascarya ngorbanang sakancan sane kaduenang mangda sida ngaruruh genah sane aman, punika ngawinang sepatutnyan kawantu antuk para kraman . Wewidangan sane pinaka genah pengungsi patut nerima krama sane keni panyengkala antuk perang. Para krama sane lianan pastika sampun asih tur ngajak para pengungsi sane wenten saking negara lianan pamekas ngawangun rasa manyama braya.

    In Indonesian