Om Swastyastu, Sane wangiang titiang para Dewan Juri taler para sameton yowana sareng sami sane tresna sihin titiang. Pinih kapertama ngiring iraga sareng sami nunas ica ngaturang rasa angubagia majeng ring Ida Sang Hyang Widhi Wasa, iraga prasida mapupul iriki sajeroning acara Wikithon Partisipasi Publik Bali Berorasi jagi ngebaosan orasi sane nanginin indik Macet ring Pulau Dewata Bali .
Para sameton sareng sami, macet dados pikobet mangkin ring Bali sane sampun lumrah lantarang Bali destinasi wisata sane sampun kasub ring Jagate. Sampun liu turise sane malali ka Bali wenten turis lokal lan wenten turis asing. Sampun liu tongos wisata ring Bali sane alami lan budaya utawi tradisi Bali sane kental ngranang Bali kasub ring Jagate. Lianan punika, ada pikobet sane ngaenang turise stress inggih punika pikobet macet. Warga Bali kal malali punika anggen motor apang enggalan neked ring tongos kal tuju punika walau tongos ento paek. Uli anak cerik kanti anak gede onyangan anggen motor, sampun ada sane ngawag anggen motor minakadi anak cerik sane durung ngerti tata cara anggen motor sane beneh. Lianan ento, turise nuutin parisolah warga Bali punika ngawag anggen motor. Karana liu sane anggen motor utawi kendaraan pribadi, ento sane ngranayang gumi Baline macet. Macet punika ngranayang polusi ring Bali sane ngranang oksigen ring Bali nenten seger utawi sehat. Lianan punika, macet bisa ngranang kecelakaan lalu lintas. Warga Bali utawi turis stress ulian pikobet macet puniki, gumi Baline kadi kebus bara ulian macet punika.
Saking Pikobet punika harus enggalan suudan apanga wisata Bali aman lan turise ngidang malali santai lan tenang. Titiang ngaptiang para pemimpin Bali sane pacang kapilih ring warsa 2024 mangda nguratiang indik pikobet macet puniki. Pemimpin Bali prasida ngicen solusi indik pikobet macet sane wenten puniki apanga Bali nenten macet lan pariwisata Bali lancar lan aman. Ngiring sameton sareng sami, uratiang pikobet macet ring jagat Baline. Jaga lan lestariang pariwisata Bali punika karana pariwisata ngranang ekonomi Bali luung. Wantah asapunika sane prasida katur, kirang langkung titiang nunas ampura lan titiang sineb antuk parama santhi. Om Santhi, Santhi, Santhi, Om.
Aktifkan pemuatan ulang komentar otomatis