Pabinayan sane ngranayang galang jagate Sandya manut basa sansekerta mateges pasikian. Pa siki an suksmannyane nenten saling lempas, gabungan indik sane mabinaan. Utawi sane ketah kawastanin Keanekaragaman . Silih tunggil, sane paling ketah wenten ring wewidangan i ragane inggih punika keanekaragaman utawi pakilitan agama. Sakewanten, pabinaan sane metu saking pakilitan agama punika sapatutnyane saling masikian. Sakadi suksman kruna pasikian, i raga pastika ngaptiang mangda prasida nuntun pabinaan punika antuk saling nagingin, ngaturang, tur ngajiang. Nika sane prasida nuntun pabinaan dados pasikian. Beda agama boya ja iraga beda rasa Sakewanten sujatinyane iraga wantah nunggil, manados siki iriki ring panaraga Indonesia pamekas iraga ring bali. Duaning punika, saling ngajiang, saling raket masemeton sareng anak e sami, mangda sida ngardi jagate santhi. Bhina ikang wwang Bhina ikang wiweka Nghing tunggal ikang rasa Yata matangian Bhineka Tunggal Ika. Wiyakti mabinayan para janane Mabinayan ring manah Nanging asiki ring rasa Kerukunan inggih punika jiwa utawi roh saking persatuan lan kesatuan. Nenten wenten kerukunan tanpa persatuan lan kesatuan. Krama Hindu ngajiang pabinayan. indik keanekaragaman, ring krama Hindune sampun ketah pisan. Ring sejarah Hindu, iraga uning akeh wenten agama sane maurip sareng-sareng, saling hormat miwah saling ngajiang. Mangda prasida nglestariang paiketan keharmonisan antar umat beragama kawentenan rasa eling sane kabuakang mangda prasida ngejaga kerukunan. Santukan kerukunan punika, pinaka jiwa saking persatuan lan kesatuan. Yadiastun mayoritas krama Bali wantah umat Hindu, nanging nenten prasida ngeranjing ring pabinayan. Budaya Bali sane madasar antuk nilai-nilai sane kapolihang saking ajaran Hindu, pamuputne dados kearifan lokal. Tiosan ring rasa toleransi sane wenten ring Bali, ring rahina-rahina libur Agama sane ageng, krama Bali saling tulungin. Duaning punika, pinaka warga negara sane becik iraga patut sareng-sareng ngwangun kerahayuan antar lan antar agama, taler antar agama pinaka praktik dharma agama lan dharma negara.
Enable comment auto-refresher