Warga Dura Negara Sane Akeh Ring Bali
Ida dane sinamian sane tresna sihing titiang, Para dewan juri lan Tim BASAbali Wiki sane kasumayang titiang, Pinih ajeng, lugrayang titiang ngaturang panganjali umat, OM SWASTYASTU
Angayubagia uningayang titiang majeng ring Ida Sang Hyang Widhi Wasa, santukan asung kertha wara nugrahan Ida mawinan titiang prasida antuk ngaturang sarin-sarin manah titiange ring lomba Wikithon puniki. Titiang matur suksma majeng ring dewan juri miwah tim BASAbali Wiki sane sampun ngawacen orasi titiang.
Ring galah sane becik puniki, lugrayang titiang ngaturang pikobet sane perlu kauratiang ring Bali mangkin, inggih punika pikobet Krama Dura Negara sane akeh ring bali. Para semeton sane wangiang titiang, Pariwisata ring Bali dados sektor sane banget mapangaruh ring Bali, duaning sektor punika dados sumber pendapatan pinih ageng ring Bali. Mangkin Krama Dura Negara sane malancaran ka Bali Akehnyane ring daerah Bali Kelod manten, punika sangkaning akehnyane objek wisata kasub ring daerah Bali Kelod. Katahan Warga Dura Negara punika terfokus ring genah punika manten, sane ngawinang genah punika dados padet. Pikobet punika taler ngawinang panglimbak perekonomian pariwisata ring Bali lebih dominan ka pahan Bali kelod bandingan ring pahan Bali Kaja. Pariwisata majeng ring Pahan Bali Kaja puniki merluang uratian saking pamerintah mangda kalimbakang, mangda penyebaran Warga Dura Negara dados merata.
Penyebaran saking krama dura negara puniki perlu merata mangda prasida ngirangin beban polusi ring wewidangan tertentu, sane ngaenan wewidangan punika bes padet ngantos jalananne dados macet. Taler nenten samian krama dura negara pacang satinut ring uger-uger adat ring genah sane karauhin, minab nenten samian nanging wenten akidik. Indik punika taler prasida ngirangin antuk ngawetuang alur panyebaran krama dura negara puniki merata mangda prasida aluh baan ngawasin. Olih karena punika, yening pamerintanyane prasida ngreredang penyebaran Warga Dura Negara puniki titiang percaya pakem adat sane wenten ring bali nika tetep terjaga lan ekonomi ring Bali taler pancang nincap. Asapunika sane prasida aturang titiang ring galahe mangkin. Mugi-mugi napi sane aturang titiang puniki prasida dados uratiang lan kalaksanayang olih calon pemimpin sane jagi kapilih ring 2024.
Inggih wantah asapunika taler orasi sane prasida aturang titiang, titiang nunas geng rena sinampura yening wenten atur titiang sane iwang utawi nenten manut ring arsa. Puputan titiang antuk parama santih OM SANTIH SANTIH SANTIH OM
Enable comment auto-refresher