How to reduce waste at school canteen? Post your comments here or propose a question.

Sebet Ulian Corona

DeviKumala .jpg
0
Vote
Title
Sebet Ulian Corona
Year
Related Places
    Writer(s)
    • Property "Writer" has a restricted application area and cannot be used as annotation property by a user.Putu Devi Kumala Dewi
    Photographer(s)
      Reference
      Photo Credit
      Video Credit
      Wikithon competition
      Caption


      Add your comment
      BASAbaliWiki welcomes all comments. If you do not want to be anonymous, register or log in. It is free.

      Description


      In English

      ⏤

      In Balinese

      Om swastyastu semeton, punapi nika gatrane ? dumogi kenak sareng sami nggih lan ten waneh meneng ring griya soang soang. Ring rahina ne mangkin titiang jagi ngiringang semeton ngerencana indik panglalah Covid 19. Sane iraga sampun kauiningin sareng sami, daweg kawentenan Covid 19 puniki akeh panglalah utawi dampak ring Panepi Siring. Silih sinunggilnyane kacingakin ring widang ekonomi masyarakat, akeh jatmane sane nenten polih madolan, makarya, miwah sane lianan. Santukan asapunika, akeh sane ngewastanin gumine mangkin gerit ulian Corona. Nenten ring widang ekonomi kemanten, wenten malih ring widang Pariwisata sane dados iraga kacingakin ring Hotel hotel, Vila lan genah wisata sane sayan sepi krana Turis turise sampun kalarang malancaran ke Bali santukan kawentenan Virus Corona ring jagat puniki. Mawinan panglalah covid puniki kemanten, akeh pekerja migran sampun budal ke Bali ulian Corona, lan ten akidik jatma ring Panepi Siring sayan nenten keni pakaryan napi sane patut kaambil mangda polih nganutin pangupa Jiwa. Contonyane sakadi titiang sampun sayan kapah polih madolan sawireh daweg kawentenan virus corona sampun wenten awig awig madolan saking guru wisesa lan sampun kasiarang olih Klian Adat ring Desa Pakraman Tinggarsari mangda madolan saking galah 08.00 semeng ngantos ngerauhin galah 18.00 sanja. Yening titiang ngambil pakaryan sane lianan, titiang nenten mrasidayang santukan tiang sampun odah lan madue sungkan rematik. Santukan asapunika tiang tuah polih madolan kemanten ring jumah titiange.

      Yadiastun wenten panglalah sakadi puniki sane nibenin ekonomi masyarakat, iraga sareng sinamian sampunang nika sebet ulian Corona tur sampunang nika lali antuk nglaksanayang Pola Hidup Bersih lan Sehat minakadi nganggen masker, anteng olahraga ring griya soang soang, ngewacikin tangan, lan manut saking awig awig sane sampun katelatarang olih Guru Wisesa. Dumogi virus corona sane ngeninin jagat Bali puniki gelis budal mangda Jagate becik lan lestari. Yening Jagate sampun becik lan lestari, iraga polih nganutin pangupa jiwa lan nglaksanayang aktivitas soang soang sakadi normal. Dumogi iraga sareng sinamian polih kerahayuan lan karahajengan.

      Om Santih, Santih, Santih Om

      In Indonesian

      ⏤