Luu Ngwetuang Byuta OM SWASTIASTU OM AWIGHNAM ASTU NAMO SIDHAM Matur suksema majeng ring pangenter acara antuk galah sane kapica ring titiang.Angganing panureksa sane dahat kusumayang titiang,ida dane sane wangiang titiang,punika taler para pamilet lomba orasi sane tresnasihin titiang. Pinih riin lugrayang titIang nguningayang rasa angayu bagia majeng ring Ida Sang Hyang Widhi Wasa,duaning sangkaning pasuecan ida,prasida titiang ngamiletin acara sane mabuat sekadi mangkin. Ida dane sareng sami sane wangiang titiang,ring galah sane becik kadi asapuniki asapuniki lugrayang titiang jagi ngaturang orasi sane mamurda Luu Ngwetuang Byuta . Napi mawinan titiang ngambil murda kadi asapunika ida dane.Santukan luu utawi sampah punika pinaka pikobet sane ageng ngancam palemahan iraga.Sampah utawi luu sane nenten katurang becik prasida ngwetuang pikobet palemahanne,sekadi polusi toya miwah udara miwah ngusak ekosistem.Yening nenten iraga sane nglestariang palemahanne sapasira malih. Ring pakibeh jagat pariwisata sekadi mangkin sampah utawi luu punika makacakan utamanipun ring daerah pesisir.Yening jagat bali nenten kalestaring utawi nenten asri samaliha pikobet sane agengan tanah embit,polusi,toya putek,wastu sida ngwetuang pinungkan. Ida dane sareng sami sane wangiang titiang,elingan para semeton sareng sami utamanipun para yowana boyaja gaginane mahiayas kamanten,siosan ring punika patut iraga taler urati ring palemahanne.Contohnyane sampunang ngutang luu ring sabilang tongos taler sapunapi antuk mangda prasida sampah utawi luune punika dados barang maguna. Ida dane sareng sami sane dahat wangiang titiang,sekadi sane sampun iraga sauninga sampah utawi luu punika kaepah dados kalih inggih punika: Kapertama luu Organik,inggih punika luu saking entik entikan sane marupa don donan,carang kayu,miwah woh wohan.Tain buron sekadi sampi,kambing miwah sane lianan,nika ngranjing ring luu organik.Luu organik punika yening jagi kaolah malih,nika dados lemek wiadin pupuk ring raos mangkinne. Keping kalih Luu Anorganik,inggih punika luu sane saking tan entik entikan minakadi,plastik,belahan kaca barang saking besi miwah akeh sane tiosan. Mangdane luu punika nenten ngwetuang pikobet titiang nunas mangda prasida para yowana sareng sami utamanipun istansi utawi pemerintah sane terkait,mangda prasida ngicen pamidarta teges sapasira sane melanggar aturan upaminipun,sapasira sane ngutang luu nenten ring genahnyane. Inggih ida dane sareng sami sane dahat wangiang titiang,wantah kadi asapunika titiang matur ring galahe sane becik kadi asapuniki mogi mogi wenten pikenoh ipun.Manawita wenter atur titiang sane nenten manut ring arsa nenten lali titiang nunas geng rena pengampura.Maka wesananing atur puputang titiang antuk parama Santih.Om Santih,santih,santih om.
Aktifkan pemuatan ulang komentar otomatis