Om Swastyastu semeton sareng sami ring Bali sane luarbiasa Rahina mangkin titiang jagi ngortiang indik pikobet sane pacang rauh tur patut karesepang banget ring para calon pemimpin iraga sareng sami benjang pungkur. Bali mawasta pulau silih sinunggil ring Indonesia sane keuningin antuk keramahan lan kebaikan bersosialnyane, ten lempas ring tantangan sane patut kedabdabang olih calon pemimpin Bali, inggih punika perindikan urip nganten ngude. Sane sampun dados pikobet sane daweg dumun nyantos mangkin lan sampun akeh ngemetuang kekirangan sane ten tepuk ulian kulub tekening tradisi sane wenten.
Akehne kasus nganten ngude ring Bali ulian pergaulan bebas sane ngeranayang akehne bajang trunane kabablas nyalanin lan makada kanti beling sedurung nganten. Indik puniki pastika pacang ngemulihang rugi ring sajeroning pihak, sane utama pihak luh. Tur maning akeh kaluarga saking pihak luh sane pastika ten nerima antuk belingan punika tur nyemak pemineh ngulungan kawentenan bayi sane ten medue dosa ipun. Tur akeh malih, kaluarga saking pihak muani sane ten nerima yening panakne sane kabaos melingin, ento makada sing nyak nanggungjawabang. Selen ento, sing siap nganten lan merumah tangga ulian ekonomi, keneh, lan awak ane pacang ngius ring kehidupan pianakne. Setata nuutamg basang gedeg sane sing patut ken panak sane makada pianak sungsut lan merasa tan patut ring gumine.
Mawanan ento pemimpinne benjang pungkur mangda ten nekep mata ring indik puniki. Pemimpin patut meresidayang ngemaang pedabdab ane dados nambakin nganten ngude utawi nyiapang pemineh sane pastika sedurunge nyalanin upakara pawiwahan magama tua dados rumah tangga. Durusang sareng sami ngemargiang pepineh lan tanggungjawab indik tantangan niki mangda Bali setata polih damai lan rahayu. Suksma. Om Santih, Santih, Santih Om.
Aktifkan pemuatan ulang komentar otomatis