Om Swastyastu, Namo Budaya, Om Awighnam Astu Namo Sidham. Pulau Bali inggih punika pulau sane sampun akeh madue sumber daya alam. Sumber daya alam puniki pinaka penarik wisatawan utawi turis-turise teka ke Bali. Pulau Bali sampun kaloktah ke dura negara. Pulau Bali sane berkembang ring pariwisata puniki sane ngeranayang akeh para investor ngerauhin antuk ngainin wewangunan ring pulau Bali. Melenan teken pidan, pulau Bali akeh madue carik lan punyan-punyanan miwah toya ne ening menganyudang manah. I pidan Masyarakat Bali aluh ngamolihang hasil-hasil pertanian sekadi tabia, jukut, miwah sane lianan.
Sesukate lahan carik ring Bali puniki kadadiang wewangunan, akidik lahan sane ka dadosang antuk genah mamula tetaneman punika. Niki mawinan sane ngeranayang harga kebutuhan pokok iraga ring Bali ngancan menekan. Yening iraga ingat-ingetang, sepatutne iraga ring Bali sane nekang tamiu sane akeh ngaenang pulau Bali pinaka pulau sane madue pendapatan daerah sane tinggi. Nanging, iraga sareng sami sampun ngerasayang sane mangkin harga kebutuhan pokok ring Bali ngancan ngemenekan. Sumber daya alam ring Bali ngancan ngemedikang, carik-carik ring Bali ngancan telas. Sira sane dados kapelihang yening sampun asapuniki? Nenten je ring sumber daya alam kemanten nanging, perkembangan teknologi sane ngancan maju ngainang iraga manja utawi bergantung sareng teknologi. Malenan teken ipidan Masyarakat Bali ring jero soang-soang madue tegal sane dados kaanggen tongos mamula tetaneman sane maguna antuk Masyarakat Bali. Sekadi punyan tabia, punyan biu, punyan tomat, jukut, lan sane lianan. Sane mangkin wenten keh ida dane sareng sami kantun mamula tetaneman punika? Kari keh wenten sane madue tegal?
Sane mangkin ring Bali akeh sane madue jero utawi umah sane sampun keni budaya luar. Niki mawinan akidik sane mangkin madue tegal utawi tetaneman sane dados kaanggen kebutuhan pokok utawi Karang Kitri . Yening kaitang kenaikan harga pokok ring bali sepatutne karang kitri puniki dados ngemolihang pemenuhan kebutuhan pokok iraga ring jero soang-soang. Yening setiap pekarangan ring Bali madue karang kitri pastika harga pokok ring pasar nenten melunjak krana nenten wenten kelangahan barang kebutuhan pokok. Karang kitri puniki dados kaunggahang ring awig-awig desa pakraman mangda masyarakat sareng sami ngembangin karang kitri ring jero soang-soang lan ring desa pakraman ngaryanin sekeha sane kaambil olih masing-masing kepala keluarga ring setiap karang antuk ngemolihang informasi indik karang kitri lan karang kitri ring jero soang-soang dados kajual ring tingkat desa pakraman. Sekeha puniki kadadosang gerakan RATRIBRASKITA sane maarti Karang Kitri Berbasis Sekeha Digital. Sane madue tetujon melestarikan Karang Kitri sane sampun punah lan ngaryanin kehijauan ring lingkup rumah tangga.
Enable comment auto-refresher