Viral acara HUT Kota Singaraja ane ka-420 dugas Saniscara, tanggal 30 maret 2024, rame katuturan di media sosial. Apa ane ngaenang buka keto? Acara puncak di Lapangan Buana Patra Singaraja ngaenang liu penonton kecewa, krana penampilan seniman tradisonal kabatalang lan kagentosin penampilan band nasional. Napi malih Kesenian lokal Sekaa Gong Legendaris Eka Wakya Banjar Paketan, Sekaa Gong Legendaris Jaya Kusuma Desa Jagaraga, Tari Teruna Jaya lan Tari Glatik ane kaantosang pisan penampilane di panggung. Ento makada para penabuh, penari lan penonton liu ngunggahang rasa kecewa di facebook, instagram, tiktok tur media sosial tiosan. Apa makade bisa keto? Uling panutur penabuh miwah penarine ane buung tampil, galah tampil tusing manut sareng rundown acara. Panitia ngubah susunan acara ring rahina nika dadine ten manut ring pangrencana. Sasolahan mabarung Gong kebyar legendaris ane buung tampil makada sekaa lan penari ngaturang guru piduka ring redite, tanggal 31 Maret 2024 di Pura Pengaruman. Upacara niki pinaka nunas ampura ring niskala krana ring pementasan makta gong sane sakral. Dua gong inggih punika reong lan bunga gangsa sampun wenten ratusan tahun pinaka tetamian leluhur. Sekaa gong kebyar nika ane suba kasub krana dadi pelopor gong kebyar sane kapertama di Bali. Manut tiang solusi anggen nepasin pikobet ane suba viral ento makadi: 1 Pemerintah Kabupaten Buleleng rikala nglaksanayang acara mangda karencananyang becik, panitia apang teliti lan bertanggung jawab. Penampilan kesenian lokal kapisahang sareng acara modern utawi kekinian. 2 Pemerintah Kabupaten Buleleng ngicen galah lan genah ring seniman lokal tradisional apang sida nyolahang sarwa kesenian imbane rikala Buleleng festival, HUT Kota Singaraja, festival kecamatan miwah acara lianan. 2 Dinas Kebudayaan Kabupaten apang mendata seniman-seniman lan tokoh-tokoh seni lokal ane ada di Buleleng, lanturang ngwentenang struktur organisasi. Ento matetujon apang seni tradisional terorganisir, seniman ane anyar sayan akeh lan budayane bisa ajeg lestari.
Enable comment auto-refresher