Dibi pas tiang muka sosmed, cingakin tiang orti indik kecelakaan konvoi kelulusan sisia SMA. Mimih, kene suba yen ada ane konvoi kelulusan pastika wenten gen orti kecelakaan. Napike para guru rupaka uning pianaknyane nyarengin konvoi sakadi punika? Seragamne makejang coret-corete, misi tulisan, misi gambaran. Seragam ento iraga saluk uli mara nyumunin kelas X kantos kelas XII, pastika liu pesan kenangan2 rikala nganggen seragam sekolahe. Kan becikan seragam punika kagenahang ring jero, gantung ditengah lemarine dagingin plastik. Mangda tetep melah seragame punika, nirgamayang seragame punika madue sejarah. Suka duka sane sampun kalintangin saking kelas X kantos kelas XII. Mangkin yening nyangering konvoi, katiben baya sira sane rugi? Yening jagi ngrayang kelulusan dados kemanten, nanging iraga patut eling mangda satata nyaga karahayuane. Upamine iraga ngrayang antuk acara makan bersama kulawarga, ngaturang paramasuksma ka pura-pura, miwah sane lianan. Yening meled pisan jagi konvoi mangda alon-alon ring margi, sampunang ugal-ugalan, mangda rahayu. Mangkin meled pisan manah titiange, mangda alit-alite nenten wenten sane konvoi malih. Para guru rupaka mangda prasida ngicen ajahan sareng pianaknyane mangda melah-melah rikala ngrayang kelulusan. Kenten taler guru pengajian, mangda polih ngundang saking kepolisian sane prasida ngicenin ajahan-ajahan sapunapi patutne iraga ring margi agunge. Mangda jagat Baline rahayu nenten wenten alit2e sane konvoi tur ketiben baya.
Aktifkan pemuatan ulang komentar otomatis