Laris olih turis, budaya kantun terkikis Om Swastyastu Para panureksa sane dahat kusumayang titiang, tim Basa Bali Wiki sane wangiang titiang, taler para pamilet acara sane tresna sihin titiang. Gargita pisan manah titiang ring rahinane mangkin, prasida dados silih tunggil pamilet ring acara puniki. Angayubagia aturang titiang majeng ring ida sang hyang widhi wasa, krana asung kerta waranugrahan ida, iraga prasida mapupul iriki ngamiletin acara puniki. Suksma majeng ring para panureksa miwah tim Basa Bali Wiki sane sampun ngawacen tulisan tiange. Ring galah sane becik puniki, lugrayang titiang jagi ngaturang pikobet sane wenten ring bali. Sakadi sane sampun kauningin iraga, Bali puniki Genah sane becik, kawentenan makudang kudang wisata tur budaya. Niki sane ngranayang Bali dados genah sane kantun kapanggihin olih turis turis. Kawentenan turis sane nenten asih ring budaya, ngicenin pikobet ring Bali, minakadi : wenten genah anggen melancaran, sakewanten keanggen genah makarya corah, sekadi sane sampun wenten ring silih tunggil segara ring Bali. Selanturnyane kawentenan turis sane makarya corah ring acara pamentasan tari ring silih tunggil puri Bali. Kawentenan turis turis sane nenten nganutin awig awig sane lianan sekadi awig awig lalu lintas.
Banget kaaptiang mangda para pamerintah makarya awig awig sane prasida ngirangin parilaksana corah para turis. Kaaptiang mangda pamerintah nyiagayang palayanan sane prasida ngicenin imba becik ritatkala kawentenan turis ring bali. Pamerintah mangde nyiagayang tur ngicen sanksi majeng ring sang sane mekarya corah punika taler sang sane nyobiahang indik parilaksana corah punika.
Asapunika sane prasida aturang tityang, dumogi napi sane kabaosang olih titiang prasida ngawakilin kayun saking masyarakat sane lianan. Mugi mugi daging baos titiang puniki prasida kalaksayang olih pamerintah tur kawentenan program kerja saking pamerintah. Yening wenten iwang titiang rikala maatur atur ring ajeng, sane nenten manut ring arsa, titiang nunas pengampura. Puputang titiang antuk parama santih, Om Santih Santih Santih om.
Aktifkan pemuatan ulang komentar otomatis