KEMACETAN RING CANGGU
Om Swastyastu Kapertama majeng ring para panureksa sane dahat wangiang titiang. Asapunika taler majeng ring para semeton yowana para pamilet wimbara Bali berorasi sane tresna asihin titiang. Sadurung ngelantur, pinih ajeng lugrayang titiang ngaturang rasa angayubagia majeng ring Ida Sang Hyang Widhi Wasa, sangkaning wara nugrahan Ida, titiang sareng ida dane mapupul masadu ajeng ring parikrama Wikithon Partisipasi Publik Bali Berorasi. Ring galahe sane becik puniki, titiang pacang ngawedar orasi sane mamurda : Kemacetan Ring Canggu Ida dane sareng sami, sakadi sane sampun kauningin ring wewidangan Canggu puniki sering keni kemacetan sane nyantos makudang jam. Punika mawinan akeh parajanane sane nenten kayun nglintangin margine punika. Kemacetan sering pisan rikala semengan rikala jam memargi ka kantor utawi sekolah, miwah sore rikala jam budal saking kantor. Kerumunan ring Canggu puniki kapangaruhan olih wewidangan canggu sane dados pusat pariwisata ring Bali mawinan akeh wisatawan sane malancaran ka wewidangan punika. Lianan ring punika, akehnyane truk-truk ageng sane mamargi alon ngawinang macet ring Canggu. Sane ngawinang wantah kirangnyane angkutan umum sane akeh miwah nenten akehnyane krama sane nganggen angkutan umum. Taler kirangnyane disiplin ring margi, minakadi ngelanggar tanda jalan. Yadiastun sampun akeh krama, ekspat miwah wisatawan sane nyihnayang rasa frustasi, kantos mangkin durung wenten tindakan saking pemerintah Kabupaten Badung, Bali. Napike ngentosin pamargi utawi ngunggahang margi anyar? Inggih wantah asapunika sane prasida aturang titiang. Titiang ngaptiang mangdane pamrentah sane kapilih ring warsa 2024 jagi prasida nyawis pikobet puniki mangda nenten nyantos suwe. Wantah asapunika sane prasida katur titiang, kirang langkung titiang nunas ampura tur puputang titiang antuk parama santi. Om Santhi, Santhi, Santhi, Om.
Aktifkan pemuatan ulang komentar otomatis