Kadi rasa sasab mrana corona suba atiban nyajah Indonesia, apa buin jagat Baline. Sasab mrana corona teka uli negara Cina. Ento sane ngaenang keneh krama inguh. Liu kramane ngemasin mati ulian virus corona ento. Yening kramane gelem kokoan, pilek, awak panes sinah maciri kena virus corona. Virus corona bisa macelep uli song cunguhe lan bibih iraga. Ento karana iraga ajak makejang tusing dadi rusip nyemak barang. Teka uli malali, teka pesu uli di jalane sapatutne iraga satata ngabersihang tangane anggo yeh hening lan sabun. Nuju pesu ka jalane pastika ingetang ngaba handsanitizer, karana tusing mungkin ideh idehan ngaba kerane ka jalan. Pemerintah Bali atiban ngorahin kramane indik protokol kesehatan. Ulian PPKM level 4 jani, krama Baline keweh pesan ngalih gae anggona meli dadaaran. Pemerintah Bali yen lakar nyalanang PPKM, sapatutne nyerahang bantuan pipis ajaka bantuan pangan apang nyidayang kramane terus idup. Yen kramane terus orahina nengil nongos di jumah dogen, nyan lakar orahin meli lakar anggo madaar sarahina rahina. Apang tusing masih kramane liu inguh ulian ane madan PPKM ento. Pemerintah Bali patute ngajak para milenial milu lomba lomba online apang mengasah kreativitas lan pipis yening maan juara. Pemerintah Bali sapatutne masih nyalanang UMKM apang idup krama Baline kertha raharja. Lianan teken ento, sapatutne masih anak ane ngelahang harta brana ngemaang bantuan ka anak ane membutuhkan cara masa pandemi jani.
Enable comment auto-refresher