Luu inggih punika sisa geginan sadina-dina para jatma sareng utawi proses alam sane marupa padet. Luu sane makarya indik saking rumah tangga utawi genah umum jagi meangkut olih truk luu salanturnyane mabakta ring Tempat Pemrosesan Akhir TPA sane dados genah luunyane maisolasi secara aman lan maproses dengan cara maolah mangda nenten ngaryanin pikobet ring lingkungan sekitarnyane. Sakewanten, sane mangkin malih akeh wenten TPA sane durung madue piranti pengolahan luu sane memadai. Pikobet punika mangkin kaangkenin olih TPA Butus sane magenah ring Desa Bhuana Giri, Kecamatan Bebandem, Kabupaten Karangasem. Kawentenan TPA Butus sane mangkin sampun overload, kapasitasnyane sampun kalebihan krana luu sane kabakta sarahina. Dinas Lingkungan Hidup Kabupaten Karangasem taler nganikaang indik volume luu ring TPA Butus sane mangkin sampun ngantos 95 persen saking kapasitasnyane mawinan jumlah luu sane makirim sayan nincap kantos 45 ngantos 50 ton per rahina. Ring ngungkulin pikobet puniki, silih sinunggil solusi sane prasida kalaksanayang inggih punika nglimbakang sistem pengolahan luu berbasis daur ulang lan sareng pengolahan luu. RDF utawi Refuse Derived Fuel wantah sinalih tunggil pamargi sane prasida katawarang ring ngungkulin pikobet puniki. Teknologi puniki prasida mendaur ulang luu dados sumber energi alternatif sane prasida kawigunayang anggen pangentos batu bara. Makudang-kudang wawidangan ring luar Kabupaten Karangasem sampun prasida berhasil mengelola luu ring widangannyane nganggen teknologi puniki. Punika mawinan teknologi puniki prasida matulung ring ngungkulin pikobet ring TPA Butus. RDF utawi Refuse Derived Fuel inggih punika teknologi pengolahan luu sane melalui proses homogenizers anggen ngubahnyane dados ukuran sane cenikan. Panadosnyane prasida kaanggen sumber energi terbarukan ring proses pembakaran, inggih punika kaanggen dados pangentos baru bara. Saking kapasitas pengolahan 140 ton luu per rahina, RDF jagi ngasilang akehnyane 48,40 ton luu terolah per rahina saking nilai kalor 3.217 kcal per kg, punika ngawinang madue potensi energi akehnyane 155.702.800 kcal per rahina. Panglimbak teknologi RDF sane kaangge dados energi alternatif madue potensi sane akeh ka depannya mawinan kawigunan luu rumah tangga sane kantos mangkin meweh teratasi. Santukan kadi asapunika, sampun patut RDF prasida dados pamargi antuk pikobet ring TPA Butus. Parindikan puniki taler didukung sareng makudang kawigunan RDF sane dados sumber energi alternatif sane nincap. Kapertama, kaanggen RDF prasida ngirangin volume luu sane kakutang ring TPA Butus kantos 70 ngantos 90 persen. Kanggenan RDF sane dados bahan bakar taler prasida ngirangin ketergantungan antuk batu bara utawi bahan bakar fosil sane lianan, punika ngawinang madue dampak positif ring pangirangan emisi gas rumah kaca sareng pencemaran udara. Ngawigunayang RDF, potensi energi saking luu prasida kawigunayang secara efisien lan berkelanjutan. Dados cutetang titiang inggih punika pengaplikasian teknologi RDF jagi ngemaktayang masa sane anyar mantuka ring TPA Butus. Pangaptine mangda parajana ring wewidangan TPA Butus prasida ngicenin kontribusinyane antuk merealisasikan pamargi puniki mangda dampak positif saking ngewigunayang teknologi RDF prasida karasayang. Inggih punika kaupapiran jagat, kawentenan sumber energi alternatif antuk galah sane sue, kawentenan genah makarya, sareng terjaminnya karahayuan parajana lan alam kapungkur wekas.
Enable comment auto-refresher