Duk bulan april sane sampun liwat, gumine mabyayuhan kena virus corona utawi COVID-19. Mangda nambakin virus niki, sami wargane katunden nganggen masker, nongos jumah, anteng ngumbah lima, tur nombahang mapupul. Sekolah miwah kampus kaliburang tur sami sisiane malajah ring umah soang-soang. Med, niki sane tiang rasayang. Setata ngoyong jumah tur melajah online. Tiang ten prasida melajah ka sekolah napi malih matepuk sareng timpal-timpal tiange. Med pesan... Nenten tiang manten sane rumasa emed ngoyong jumah. Sami janten ngrasayang sakadi titiang. Nanging iraga patut tetep nginutin titah saking pamerintah mangda jagate gelis kenak. Sue sampun lockdown nika kalaksanayang. Mangkin pamerintah sampun nguningayang indik sane kawastanin new normal . Ring new normal niki iraga sampun dados medal, dados mapupul, miwah sane lianan. Nanging iraga tetep nginutin uger-uger sekadi nganggen masker, anteng ngumbah lima, tur nyaga jarak utawi social distancing. Uger-uger niki matetujon mangda virus corona nenten sayan nglimbak ring kawentenan new normal. Liang pesan keneh tiange krana kawentenan new normal puniki. Rikala ka peken nyarengin memen tiange, tiang nyingakin akeh krama sane medal nenten nganggen masker. Mimihhh tengkejut pisan keneh tiange. Niki sane ngawinang pasien positif COVID-19 ngangsan ngakehang. Tiang sube bulanan ngoyong jumah , sing mesu, lan sing masuk ka sekolahan. Ne anake aluh pesan asane pesu sing ngangon masker keto keneh tiange gerimutan nyingakin krama-krama sane nenten ngangon masker tur nenten nyaga jarak physical distancing . Yadiastun sampun new normal, nanging sepatutnyane iraga tetep nginutin uger-uger kesehatan. Manut sakadi manah titiang, nganggen masker nika nenten ja anggen nambakin virus corona manten. Nanging nganggen masker nika prasida nyaga kesehatan iraga saking debu, polusi, miwah sane lianan. Dumogi jagate gelis kenak lan iraga prasida nglaksanayang kahuripan sakadi jati mula.
Enable comment auto-refresher