Information about place
In English
In Balinese
Pura Goa Giri Putri silih tunggil pura sane wenten ring Bali genahnyane ring Desa Suana, kecamatan Nusa Penida, kabupaten Klungkung, provinsi Bali. Goa Giri Putri puniki silih tunggil pinaka cihna genah parhyangan kasidian Ida Sang Hyang Widhi Wasa sane marupa anak istri, sane sampun kaloktah maparab Hyang Giri Putri pinaka kesidian Ida Sang Hyang Widhi Wasa panumadian Ida Batara Siwa. Pura puniki sampun wenten mawit saking Babad Dalem Bungkut warsa 200 aka. Wastan pura puniki kaambil ring genahnyane ring tengahin goa taler Giri Putri kapah dados kakalih inggih punika, Giri mateges gunung bukit miwah Putri mateges anak istri. Saking kalih artos punika, Giri Putri mateges simbul kesidian Ida Hyang Agung taler madrebe kayun sane ayu sekadi anak istri. Genah goa puniki tegehnyane 150 meter saking luhuring segara taler lantangnyane kirang langkung 300 meter. Pura Goa Giri Putri madaging limang genah sane matiosan. Sane kapertama wenten Pelinggih Hyang Tri Purusa, sadurung ngranjing ring pura para pamedek patut nglintangin akeh undagan jagi ngrereh genah pelinggih sane kapertama. Ri wusan nyembah ring pelinggih kapertama puniki para pamedek pacang ngranjing ring goa turmaning nemonin pelinggih sane kaping kalih inggih punika Pelinggih Hyang Wasuki. Yadiastun goa genah ngranjing punika kalintang alit, sakewanten yadiastun pamedek sane madrebe awak gede pasti elah pacang ngranjing ring goa punika. Pelinggih sane kaping tiga Pelinggih Hyang Giri Pati Siwa, sadurung nyembah ring pelinggih puniki pamedek jagi kalukat ring ajeng pelinggih punika. Wusan nyembah ring pelinggih kaping tiga, para pamedek pacang nglintangin undag ngrereh pelinggih sane kaping papat inggih punika pelinggih Hyang Giri Putri, taler sane kalima Pelinggih Hyang Siwa Amertha, Hyang Sri Sedana miwah Dewi Kwam Im. Ri wusan pamedek ngaturang sembah, pamedek jagi kadagingin aon suci ring tengahing lelata taler kaicen benang tri datu. Pura Goa Giri Putri puniki nenten karauhin olih umat hindu kemanten, para wisatawan saking dura negara miwah mancanegara prasida taler tangkil ka pura puniki duaning pura puniki kadadosang objek wisata spiritual mawinan prasida ngrauhin uratian para wisatawan sane malancaran ring Pulo Nusa Penida, Kabupaten Klungkung, Bali.
In Indonesian
Pura ini sudah ada sejak masa pemerintahan Dalem Bungkut pada tahun 200 Çaka. Nama pura ini diambil dari lokasi pura yaitu goa serta Giri Putri yang tergabung dari dua kata yaitu Giri yang berarti bukit/gunung serta Putri yang berarti perempuan. Dari dua kata tersebut tercipta suatu arti dari nama Giri Putri yaitu simbol kekuatan Tuhan Yang Agung serta memiliki sifat keibuan. Lokasi goa ini berada pada ketinggian 150 meter dari permukaan laut dan memiliki panjang sekitar 300 meter. Pura Goa Giri Putri memiliki lima areal yang berbeda. Yang pertama Pelinggih Hyang Tri Purusa, sebelum masuk areal pura para pamedek harus menaiki puluhan tangga untuk mencapai areal pelinggih pertama. Setelah sembahyang di pelinggih pertama ini para pamedek akan melewati lubang kecil untuk masuk ke goa dan menuju pelinggih kedua yaitu Pelinggih Hyang Wasuki. Meskipun lubang untuk masuknya terlihat kecil, namun setiap pamedek yang memiliki badan yang besar dapat dengan mudah memasuki lubang tersebut. Yang ketiga Pelinggih Hyang Giri pati/Siwa, sebelum sembahyang di pelinggih ini para pamedek akan melakukan penglukatan terlebih dahulu. Setelah sembahyang di pelinggih ketiga para pamedek akan menaiki tangga lagi untuk menuju pelinggih keempat yaitu Pelinggih Hyang Giri Putri, dan yang kelima Pelinggih Hyang Siwa Amertha, Hyang Sri Sedana dan Dewi Kwam Im. Setelah pamedek selesai melakukan persembahyangan akan dicolekan abu suci dan diberikan benang tri datu.
Pura goa giri putri tidak hanya dikunjungi oleh umat beragama hindu saja, para wisatawan dari berbagai daerah juga dapat berkunjung ke pura ini karena pura ini juga dijadikan sebagai objek wisata spiritual sehingga mampu menarik perhatian para wisatawan yang berkunjung ke Pulau Nusa Penida, Kabupaten Klungkung, Bali.
Enable comment auto-refresher