How to reduce waste at school canteen? Post your comments here or propose a question.
Literature Sampai Tanggal 9 Agustus (Katanya)
Description
In English
In Balinese
In Indonesian
Nah tusing kengken cening, yadiastun PPKM buin diperpanjang, iraga harus mulat sarira lan percaya tekening kebijakan-kebijakan ane gaene teken pemerintah. Yadiastun di kenehe suba med sajane, naanang inguh makita hidup normal cara ipidan. Jani ngiring iraga ajak makejang dukung pemerintah apang satu suara. Pabedikin mayegan ajak timpal indik covid ne berbahaya apa tusing. Jeg bang suba guru wisesa ane ngurusang. Iraga jani tinggal ngenehang kengken carane apang ngidang makan. Cicilan di bank, kredit motor, jeg mani pikirin. Yen harus matarik montore, jeg ikhlaskan dogen, yen alihe ken petugas bank, jeg pasrah dogen. Monto dogen tiang ngidang ngemang solusi, selegan magae yadiastun mengkeb-mengkeb, tambahin ikhlas, pasrah, ngarestiti bakti majeng ring sasuunan lan Ida Batara mangdane pandemi niki gelis makaon. Sadurung puputang tiang opini niki, dados tiang mataken? Sampun ke semeton ngajeng? Tiang durung. Seduk basang tiange niki sane mawinan opini tiange wantah akecritan. Yen semeton ngelah pipis liu, dadi tulungin tiang sareng semeton-semeton sane lianan antuk ngebagian nasi gratis. Yadiastun lek, tiang kal nunas. Bapa lan memen tiange taler durung ngajeng. Matur suksma aturang, ngiring saling tulungin mangde ten wenten penduduk bali sane mati kelaparan. Jeg lucu asane nepuk nak Bali sing ngidang makan. Malih pisan tegasang tiang, ngiring dukung kebijakan pemerintah, sambilang mapineh ngalih solusi ane paling lung. Puputang tiang opini niki, suksma antuk galah sane kaicen anggen ngwaca opini tiange.
Enable comment auto-refresher