Om Swastyastu Sane wangiang titiang para angga panureksa, aspunika taler, para semeton yowana sareng sami sane banget tresne sihin titiang. Angayubagia uningayang titiang majeng ring Ida Sang Hyang Widhi Wasa, santukan wantah sangkaning asung kertha wara nugrahan Ida mawinan iraga prasida mapupul iriki sajeroning acare Wikithon Partisipasi Publik Bali Berorasi. Ring galah sane becik puniki, lugrayang titiang ngaturang pidarta utawi orasi sane mamurda PASIH DI GUMI BALINE Para semeton sareng sami, pasih di gumi Baline kasub kanti ka dura negara. Para wisatawan saking mancanegara akeh pisan sane rauh ka gumi Baline. Napi sujatinne sane rerehhe sareng para turise rauh ka Bali? . Sane rerehe teken para turise rauh meriki inggih punik pasih. Pasih di gumi Baline sayan resik lan asri. Inggih para semeton sreng sami, pasih sane kasub ring gumi Baline wenten akeh, wenten Klingking Beach, Pasih Seminyak, Green Bowl Beach, Amed, Pasih Geger Nusa Dua, Pasih Suluban lan sane tiosan. Lumbrahne pasih ring Bali akeh pamilet utawi pelancong nuju dina semeng lan sandikala, sane rerehe inggih punika sunrise lan sunset. Inggih para semeton sareng sami, Nenten akedik anak lokal lan turis ngutang luu ring pasih, nika sane ngawinang pasih ring Bali cemer. Manut CNN Indonesia, kasobyahang luu ring pasih Kuta akehnyane kirang langkung 20 Ton. Dadosne sane mangkin iraga dados parajana Bali patut ngelestariang miwah nyaga pasih punika mangda tetep resik lan asri nenten wenten luu sane sambeh. Inggih kadi asapunika pidarta utawi orasi titiang, yening wenten iwang atur titiang, nenten lali titiang nunas gung rena pengampura. Inggih puputang titian antuk parama shanti. Om Shanti Shanti Shanti Om
Enable comment auto-refresher
Anonymous user #1
Permalink |