Ring aab sekadi mangkin nyama braya ring Bali suba ngancan surut. Pinaka conto, ring kota yening ada pawiwahan mekejang suba dot ane praktis, terob nyewa, nasi kotak meli, jaja meli sawireh suba arang jani ane ngae. Yen cara pidan rikala ada pawiwahan, lakar masang terob ngidih tulung ajak banjaranne utawi nyama gelah, ngae base ajak mekejang lakar anggo masak, jaja masi ngae. Sawireh ento sane ngranayang iraga ngelah rasa ane madan menyama braya. Sing je ring acara pawiwahan gen, sakadi conto sane lianan ring acara ngaben. Jempana anggo layon meli, banten masih meli, yen jani ka setra utawi ka sema suba kapah ane mategen lebihan nganggo ambulance utawi nganggo roda. Pidan yen ngaben, ane lanang-lanang ngae jempana rame-rame, ade ne ngalih kayu, ane ne mebet aji kain miwah ade ne ngae hiasan ne. Ane istri mekejang ngae banten, majejaitan sambilang mekedekan. Sadurung ke setra ngae saanan anggo negen layon ne, ade ne ngalih tiing, ade ne ngetep, ade ne ngiket tiinge apang tekek. Napi malih yening lakar ka setra utawi ka sema layon ne kategen ajak liu ane ngranayang kendel menyama braya. Nanging ring aab sekadi mangkin rasa menyama braya punika suba ngancan surut mawinan suba makejang dot praktis, apa-apa meli apa-apa pipis sing bin ngitungang menyama braya. Sepatutne iraga dadi krama bali sing dadi ngilangang rasa menyama braya sawireh ento sane dados ciri krama Baline utawi dados kearifan lokal sane suba kaloktah kadura negara.
Enable comment auto-refresher
Hendrawan291205
Permalink |