Sube liwat uli atiban sekat Virus Corona diumumkan di Indonesia, sakewale tonden masih ade tanda-tanda lakar membaik. Ane ade malah makin negehang gen grafik jumlah korbanne. Bulak balik masyarakat orahine PSBB, PPKM Darurat, PPKM Level 4, megenep lah istilahne. Tiang pribadi nepukin pemerintah perlu menjalankan kebijakan ane luwih strategis lan berdasarkan ilmu sains tur data. Perkuat 3T 1V Testing, Tracing, Treatment Vaccinating tur fokus malu ngadepin i Covid-19 ene, setondene ngortaang ane lenan care pariwisata utawi ekonomi.
Sane kapertame tur utame ring penanganan pandemi sube jelas, luir ipun nambakin virusne apang tusing ngancan meluas dengan cara 3T. Pasien ane terkonfirmasi positif harus maan perawatan ane optimal, ane kontak erat ajak pasien positif C-19 masih harus segera di-tes tur kewajibin ngelaksanayang isoman isolasi mandiri . Tugas pemerintahe dini luire ngemastiin kebutuhan pokok masyarakat ane isoman terpenuhi lewat subsidi pemerintah, tur mengontrol pasien-pasien ane isoman ento. Apang tusing ade kejadian warga ane harusne isoman malah pesu meilehan kemu mai ulian sing ngelah pis anggone makan selama isoman. Selain 3T, pemerintah masih harus memeratakan lan memudahkan akses vaksin untuk masyarakat. Harusne pemerintah nyalanang program vaksin nganggo sistem pemilu dogen ane sube terbukti datane paling baru tur pelaksanaan langsung di banjar-banjar. Pemerintah harus jemput bola apang target vaksin enggal terpenuhi tur melindungi masyarakat ane tusing dadi mevaksin lansia, anak cerik, pasien ane ngelah penyakit bawaan .
Yen sube adane grubug, jeg fokus malu di penanganan pandemi. Pemerintah sebaikne mengalokasikan anggaran-anggaran untuk hiburan tur anggaran cadangan ane lianan anggo penanganan Covid-19. Ketimbang nglaksanain PKB Pesta Kesenian Bali dengan anggaran milyaran, ngadenang fokusin untuk subsidi harga tes Covid tur subsidi kebutuhan pokok pasien ane isoman. Pemerintah masih nyidaang bekerja sama ajak penginapan-penginapan lokal ane sedeng sepi ne anggo tongos anake isoman. Bisnis pariwisata nyidaang bertahan, pasien positif masih sing perlu bingung ngalih tongos isoman ane aman tur terawasi. Pemerintah masih nyidaang kerja sama ajak ane ngelahan warung makanan anggo memenuhi kebutuhan makan anake ane isoman. Intine, berdayakan masyarakat apang saling membantu di penanganan pandemi ene.
Sebenehne, Bali ene diuntungkan uli segi tongosne ane merupa pulo cenik. Yening je tiang dadi Gubernur Bali, kebijakan lockdown bise dadi salah satu pilihan ane paling efektif untuk di Bali. Sakewale setonden ento, pemerintah harus ngemastiin kesiapan infrastruktur tur jumlah tenaga kesehatan ane memadai. Pemerintah masih harus ngelah data ane akurat tur perencanaan ane matang apang nyidaang nargetin berapa lama lockdown ne lakar kelaksanain. Selama lockdown, pemerintah harus gencar ngelaksanayang 3T 1V nganti ke pelosok-pelosok desa. Pasien ane terbukti positif langsung kewajibin isoman tur kesubsidi kebutuhan pokokne.
Seken mule perlu kerja sama masyarakat lan pemerintah ring penanganan pandemi. Nanging, peran pemerintah tetep luwih gede sekadi ane ngaryanin uger-uger. Yening pemerintahe bise ngae aturan ane ilis tur lagas, masyarakat pasti luwih disiplin ngelaksanain protokol kesehatan nganti penyebaran viruse nyidaang kekontrol.
Enable comment auto-refresher