Pikobet Luu Ring Provinsi Bali
Om swastyastu Para angga panureksa sane wangiang titiang Tim BASAbali Wiki sane kusumayang titiang Para sameton sareng sami sane tresna sihin titiang. Bagia pisan manah titiang rahinane mangkin, sangkaning pasuecan Ida Hyang Widhi Wasa, titiang kaicen galah ngaturang sarin-sarin manah titiange ring lomba Wikithon puniki. Suksma aturang titiang majeng para angga panureksa miwah tim BASAbali Wiki sane sampun ngwacen tulisan titiange. Pikobet luu nenten dados iraga hindangin ring era mangkin. Samian paindikan I manusa pastika ngemolihang luu. Bali, sane kaloktah pariwisata lan kebecikannyane kaon krane pikobet luu puniki. Akeh tumpukan luu ilegal sane tegeh nyane ngantos 50 m kapanggihin ring Bali miwah kantos disoroti olih media Amerika serikat. Yening pikobet luu punika nenten kaungkulin antuk gelis pastika ngerugiang krama baline. Napi malih mangkin wenten TPA ring bali sane keni bencana, nika mawinan dampak sane kaon majeng ring krama bali. Nenten luu sane ring darat kemanten nanging luu sane wenten ring segara bali taler dados pikobet. Pastika wenten wisatawan sane nenten nyaman yening wenten ring palemahan sane kotor, punika pacang berdampak ring pariwisata bali. Calon pemimpin bali patut ngicenin solusi ring pikobet luu puniki. Kesadaran anggen miara keresikan palemahan banget kaperluang. Para yowana miwah rerama patut ngajahin alit alit anggen nyage lan miara keresikan. Pemerintah patut nyiagayang genah anggen ngolah luu mangda dados bermanfaat anggen iraga sareng sami, genah e punika taler dados anggen lapangan kerja antuk krama baline. Asapunika sane prasida aturang titiang ring galahe mangkin. Mugi-mugi napi sane aturang titiang puniki prasida dados uratian tur dasar program kerja sane pacang kautamayang olih calon pamimpin sane jagi kapilih ring 2024. Puputang titiang antuk parama santih om santih santih santih om.
Enable comment auto-refresher