Ngicenin Kaweruhan Ring Wisatawan Asing Om Swastyastu Kapertama majeng ring para panureksa sane dahat wangiang titiang. Asapunika taler majeng ring para semeton yowana para pamilet wimbara Bali berorasi sane tresna asihin titiang.
Sadurung ngelantur, pinih ajeng lugrayang titiang ngaturang rasa angayubagia majeng ring Ida Sang Hyang Parama Kawi, sangkaning wara nugrahan Ida, titiang sareng ida dane mapupul masadu ajeng ring parikrama Wikithon Partisipasi Publik Bali Berorasi. Ring galahe sane becik puniki, titiang pacang ngawedar orasi sane mamurda : Ngicenin Kaweruhan Ring Wisatawan Asing.
Kawentenan pulo Baline pinaka pulo wisata budaya sane sampun kaloktah antuk dura Negara, nika ngawinan akeh wisatawan asing sane rauh ke pulo Baline.
Bule sane rauh ke Bali ngancan sue ngancan mekarya sungsut ring Kayun wargi Bali turmaning ngerebeda . Sekadi mewarih ring ajeng umah wargi,ngewetuang prana ring Pucak gunung agung,nganggen busana sane ten manut,turmaning maulah sane gamia, naler nganggen kendaraan ugal ugalan sane makawinan pengendara tiosan ngerasa sungsut .
Solah guru Wisesa jagi nreptiyang tur ngicen sesuluh ring wargi asing toris , sujati seken seken maguna sekadi mekarya perarem awig awig sane patut, Apang prasida bule punike nenten mekarya sekarep kayun tur naler ngecen denda sane manut ring bule sane nenten tinut apang prasida ipun nenten maulah sane kaon malih. Sangkaning sapunika prsida bule sane wenten ring Bali trepti turmaning nenten maulah kaon Malih, wireh ring dije tanah dipijak irike langit kasunggi.
Antuk punike titiang nunas dumogi guru Wisesa prsida mepaice penertiban turmaning mepaice sesuluh ring para wisatawan asing apang nenten ngusak asik kenyamanan warga tur nenten masolah sekarep dewek sehasa prasida Bali menjadi aman,tentram tur nyaman.
Duaning wantah asapunika sane prasida aturang titiang indik orasi sajeroning wikithon partisipasi publik, titiang nunas geng rena pangampura. Maka wasananing atur, puputang titiang antuk parama shanti. Om Shanti Shanti Shanti Om
Enable comment auto-refresher