Om Swastyastu, Salam rahayu semeton titiang sareng sami. Titiang mawasta Ni Kadek Nadya Putri Budiasa saking SMK Pariwisata Harapan Denpasar. Titiang jagi nguncarang aspirasi titiang indik pikobet utama ring Bali puniki majeng ring calon-calon pemimpin Bali sane pacang kapilih ring Pemilu 2024.
Aspirasi puniki uncarang titiang duaning manut pikayunan titiang, pikobet puniki sampun dados pikobet utama mangkin. Ida dane sareng sami, Bali sampun kaloktah antuk alamnyane sane pinih becik tur ngulangunin, nanging mangkin Bali puniki sampun kajajah antuk luune sane metumpuk-tumpuk cara gunung. Raris sira sane iwang? Cawisanne wantah iraga sareng sami. Nenten ja wantah masyarakat Bali kemanten, nanging pemerintah taler. Sapatutnyane, yening pemerintah ngamedalang peraturan indik luu , sapunapi tata carannyane ngolah, misahang, ngentungang, miwah sane lianan. Sapatutnyane pemerintah taler nyiagayang sarana lan prasaranannyane.
Nenten wantah ngamedalang peraturan-peraturan kemanten. Pemerintah taler sapatutnyane sareng turun tangan langsung ka lapangan. Nenten ja wantah teori-teori kemanten. Pemerintah sampun ngajakin iraga masahang sakancan luu organik lan anorganik, nanging pemerintah sampun keh uning ring lapangan sakadi napi? Sampun ke wenten tempat sampah, utaminnyane ring genah-genah publik? Sampunkeh tempat sampah punika madaging pengetahuan indik luu napi punika yening matulis organik utawi anorganik?
Sapatutnyane pemerintah ngicenin pengetahuan majeng ring seluruh lapisan masyarakat, nenten wantah ring sekolah utawi kantor-kantor kemanten, nanging ring masyarakat umum taler, sekadi pedagang kaki lima, anak-anak odah, muah sane lianan. Sawireh, akeh anake sane nenten uning napi nika organik lan anorganik. Inggih ida dane sareng sami, cutetang titiang.
Titiang nunas majeng ring para calon pemimpin daerah Bali puniki. Yening pemerintah ngamedalang peraturan indik sampah mangda kasarengin antuk aksi nyatannyane ring lapangan. Mangda nenten wantah raos-raos kemanten ngorahang Bali Clean and Green sakemaon pelaksananne nenten sakadi punika. Wantah sakadi asapunika sane prasida aturang titiang, puputang titiang antuk parama santih. Om Santih, Santih, Santih, Om.
Aktifkan pemuatan ulang komentar otomatis