Om Swastyastu suksema majeng ring pengeter acara antuk galah sane kapica ring titiang, bapak ibuk panitia penyelenggara lomba sane banget baktinin titiang, miwah ida dane sareng sami sane banget tresnaasihin titiang. sadurung titiang nelatarang pidarta utawi orasi, ngiring sareng sareng ngaturang rasa pangayubagia majeng ring Ida Sang Hyang Widhi Wasa, duaning sangkaning Asung Kerta Wara Nugraha Ida iraga sareng sami prasida mapupul ring rahina sane becik puniki sajeroning acara Wikithon Partisipasi Publik Bali Beroasi. Ring rahina ne mangkin titiang jagi ngaturang pidarta utawi orasi sane mamurda Kemiskinan Ekstrem Ring Bali Sayan Nincap .
Ida sane sareng sami pastika sampun uning indik Kemiskinan Ekstrem ring Bali. Sakadi sane sampun kauningin, Badan Pusat Statistik BPS Bali nyatet angka kemiskinan ekstrem ring Bali mangkin nyantos 0,54 persen. Faktor faktor utama sane ngawinang Kemiskinan Ekstrem puniki inggih punika : Tingkat pertumbuhan populasi sane tegeh, angka kelahiran sane tegeh, akeh krama sane nganggur, wenten bencana, miwah distribusi pendapatan sane nenten pateh.
Saking pikobet puniki, titiang ngaptiang para pemimpin Bali sane pacang kapilih ring warsa 2024 mangda nguratiang antuk pikobet Kemiskinan Ekstrem ring Bali. Pemimpin Baline kaaptiang praside ngicen solusi ring pikobet Kemiskinan Ekstrem puniki, Pamargi punika prasida kaambil saking pengangkatan masyarakat sane kirang mampu, raris ngicen bantuan sosial utawi subsidi majeng masyarakat sane kirang mampu, miwah ngicen pelayanan kesehatan sane layak majeng ipun. Tiosan punika para pamimpin taler prasida ngamargiang pangwewewehan sosial utawi ekonomi majeng ring krama san tiwas, taler prasida nincapang kualitas pendidikan.
Wantah asapunika orasi sane prasida kaatur titiang, kirang langkung titiang nunas geng rena pesinampure, titiang puputang orasi mangkin antuk ngaturang parama santih Om Santih, Santih, Santih Om.
Enable comment auto-refresher