Nyelametin Yowana: Ngebenahin Pangawesan sane Nenten Becik antuk Galian C Ilegal ring Pemuda Karangasem Olih : Ida Bagus Eka Aditya Wardana
Pemerintah Kabupaten Karangasem sampun nyelehin yening Galian C punika marupa sektor sane pastika pacang mabuat pisan nincapang perekonomian ring karangasem. Nanging, kawentenan Galian C puniki taler ngarauhang pikobet sane banget pisan tur kantos mangkin nenten prasida kapuputang. Pamargin Galian C illegal punika setata ngranayang pikobet sane ageng ring para truna-truni Karangasem.
Yadiastun sampun kaupapira tur kabecikang olih pemerintah nanging kawentenan Galian C illegal puniki kantun wenten ring Karangasem yadiastun nenten akeh. Kawentenan pasar gelap puniki ngawentenang galian C punika nenten mrasidayang ka kontrol saking zat psikoaktif sane nenten becik, nincapang kawigunaan lan adolan narkoba illegal. Galian C puniki nenten manten ngawinang pikobet ring hukum nanging majanten ngantos nganinin indik katreptian para krama sane lianan.
Truna-truni Karangasem antuk silih sinunggil kelompok sane dangan pisan polih pengaruh antuk kawentenan Galian C puniki. Ipun gelis keni pengaruh sane nenten becik umpami nganggen narkoba sane pamuputne pacang ngawinang katergantungan obat terlarang punika tur ngrusak para yowana. Sane lianan inggih punika, kawentenan sane nenten becik antuk Galian C illegal punika prasida ngranayang perilaksana seks bebas lan perilaksane sane nenten becik lianan.
Distribusi sane kapolihang saking galian C kabupaten Karangasem ka wewidangan Bali dados faktor sane sarat antuk nincapang penganggen narkoba lan seks bebas ring wewidangan punika. Para jadma sane geginan ring galian C punika sinalih tunggil pacang ngelimbakang dampak sane nenten becik Galian C antuk ka wewidangan sane lianan.
Ring Laman resmi pemerintah Provinsi Bali, kauningayang antuk warsa 2021, wenten 34 jadma sane keni HIV ring Kabupaten Karangasem. Antuk orti puniki sampun prasida nlatarang yening pikobet punika banget pisan imbasnyane ring para yowana Bali.
Para truna-truni sane nginutin distribusi hasil Galian C puniki ngamolihang pikobet ring angga soang soang umpami leson utawi kenyel ngambil pekaryan tur pikobet sareng sawitra sane sareng makarya miwah sane lianan. Punika ngawinang jadmane ngarereh hiburan sane nenten patut lan tan becik napimalih sane makarya ring galian mangda mrasidayang magadang serahina punika ngawinang jadmane mapikayun nganggen narkoba mangda tetep fit utawi nenten gelis leson.
Antuk asapunika, patut kawentenang pendekatan sane komprehensif lan terkoordinasi antuk pikobet Galian C lan imbasnyane ring krama, utamanyane truna-truni ring Kabupaten Karangasem Antuk pendekatan sane terentegrasi lan komprehensif, Pemerintah Kabupaten Karangasem prasida ngirangin pikobet ring Galian C ilegal lan imbasyane mangda prasida para yowanane sami nenten keni pergaulan bebas utawi narkoba sane banget ngusak kahuripan para yowanane benjang pungkur.
Enable comment auto-refresher