MARGI SANE NGEWETUANG PIKOBET BIUTA RING NUSA PENIDA Om Swastiastu, sane wangiang titiang para angga panureksa, miwah para sameton yowana sareng sami sane tresna sihin titian. Pinih ajeng ngiring ngaturang angayubagia ring ida sang hyang widhi wasa, duaning sangkaning pasuecan ida, titiang ngiring ida dane sareng sami prasida mapupul sajeroning acara Wikithon Partisipasi Publik Bali Berorasi, ring galahe mangkin, titiang purun ngaturang orasi sane mamurda margi sane cupek ring Nusa Penida ngawetuang pikobet. Para sameton sareng sami margi pinaka piranti trasportasi sane mabuat pisan utamannyane ring Nusa Penida. Ring nusa Penida pikobet ngenenin margi sane kaon makeh pisan sane kapolihang, napi malih ring derah daerah sane doh saking perkotaan. Ring kawentenan mangkin pariwisata Nusa Penida nincap tur sampun kaloktah ka dura negara. Nika mawinan makeh para wisatawan mancanegara rauh melancaran ka Nusa Penida, nanging nenten kairingin olih piranti utawi sarana margi sane nyokong parindikane punika. Kawentenan margi utama ring nusa penida kantun cupek tur makeh taler margi sane sampun kaon utawi bolong. Inggian margi cupek tur kaon sering ngawinang para pengendara sane makta tamiu merebat ring margine awinan serempetan. Awianan margine sane kaon ngawinang terhambatnyane mobilitas lan distribusi. Awinan margi sane cupek miwah usak ngawinang kecelakaan. Titiang pinaka sisya sane nganggen margi punika ajerih ritatkala memarga, bilih-bilih titiang macepuk sareng pengendara sane makta tamiu. Pengaptin titiange majeng para pemimpin sane terpilih ring warsa 2024 mangdane sarana utama margi manggda kabacikang tur kajimbarang mangdane becik pekantenan Nusa Penida pinaka genah pariwisata Bali. Lianan ring pemimpin Bali, krama Bali taler mangdane sareng berpartisipasi ring sajeroning pemeliharaan margi sane sampun kawangun. Lianan ring punika krama pinaka sane nganggen margine, sane mabuat pisan inggih punika wargame mangda melaksana tertib miwah teratur rikala nganggen margine sumangdane mangda prasida ngirangin kerusakan margi-margi ring Nusa Penida, sekadi nenten nganggen margi sane nenten nganutin. Inggih wantah asapunika sane prasida titian aturang ring semeton sareng sami, minab wenten wenten kirang langkung puputang titiang antuk pramasantih. Om santhi, santhi, shanti om
Enable comment auto-refresher