Pulau Dewata Genah Sane Becik Iraga sareng sami sampun nuning sapunapi kondisi utawi kahanan pariwisata Bali daweg kawentenan pandemi covid-19. tamu-tamu saking dura negara nenten kaicen ngranjing ke Bali mangda penyebaran covid-19 nenten manincap malih. Punika mawinan pariwisata Bali ngendukang, ngawinan masyarakat Bali sane makarya ring sektor pariwisata nenten malih madue pakaryan. Pemerintah Bali ngawetuang awig - awig kaanggen menekan penyebaran virus corona. Silih tunggil awig - awig punika wenten penerapan pemberlakuan pembatasan kegiatan masyarakat sane mabuat pisan ring kahuripan krama Baline. Punika ngawinan angka penyebaran covid-19 sayan ngendukang. Duaning pemerintah sampun madue upaya kaanggen ngendukang penyebaran virus corona, sane mangkin iraga dados generasi penerus ngewantu pemerintah mangda prasida ngamecikang pariwisata Bali. wenten akeh tata cara sane kaanggen ngamecikang pariwisata Bali, silih tunggil tata carane inggih punika kapertama, nyecehang promosi destinasi wisata sane wenten ring Bali nganggen media sosial. Carane puniki merluang partisipasi krama Bali. Sane demen ngunggah utawi mosting foto rikala melali ka destinasi wisata sane wenten ring Bali punika prasida ngwantu nglimbakang taler ngamecikang pariwisata Bali. Indonesia madue website sane kaanggen ngelimbakang pariwisata Indonesia majeng ring wisatawan domestik utawi internasional. Kaping kalih, nyediayang destinasi wisata sane nginutin protokol kesehatan manut saking awig awig pemerintah taler setata nyaga karesikan genah pariwisata. Punika mawinan tourist sane kayun melali ka Bali merasa aman rikala melali ka Bali. Kaping tiga, Bali madue karya sastra sane sampun nglimbak ka dura negara, contonipun karya ukiran, lukisan, seni patung miwah sane lianan. Minab seniman Bali prasida ngaryanin panyuluhan antuk ngasilang utawi ngaryanin karya sastra Bali majeng ring generasi muda. Punika ngamentikang rasa cinta produk dalam negeri taler prasida ngelimbakang karya sastra sane wenten ring Bali. Inggih sapunika kedik tata cara ngewaliang mangda pariwisata Baline prasida ngamecikang rikala wenten pandemi covid-19. taler iraga patut setata eling identitas dados masyarakat Bali kabuat antuk nglimbakang budaya Baline Harapan titian teken karma Bali sinamian inggih punika Bali keangge genah sane becik antuk ketenaran Baline ring manca Negara. Invetasi ring Pariwisata terus berkembang ring sektor wisata lan akomodasi pariwisata. Iraga patut ngelestariang lan ngajegang gumi baline mangde nenten sayan rered, terus nganggen basa bali ring lingkungan kaluwarga miwah sekolah, melajah nyurat aksara Bali, lan taat melajahang dewek medharmagitha mangda budaya lan tradisi Bali nenten rered.
Enable comment auto-refresher