Together Implementing Religious Moderation

0

Vote

Title (Indonesian)

Bersama-Sama Melaksanakan Moderasi Beragama

Title (Balines)

Masikian Nyalanang Moderasi Beragama

Original title language

Balinese

Photo Reference

Fotografer

Photograph credit

Religion or culture

Category

Umum (public)

Author(s) / Contributor(s)

• Putu Putri

Institution / School / Organization

UHN I Gusti Bagus Sugriwa Denpasar

Related Places

Wikithon competition

Harmony

Sort by date Sort by score

Enable comment auto-refresher

Add your comment

BASAbaliWiki welcomes all comments. If you do not want to be anonymous, register or log in. It is free.

What can we do to maintain religious harmony?

Videos

Description

In English

—

In Balinese

Bangsa Indonesia inggih punika bangsa sane ageng, mawit saking masarakat sane mabinayan, mabinayan suku, budaya, agama, miwah sane lianan. Ring tengahing kahuripan masarakat sane mabinayan punika sering wenten pikayunan sane taler mabinayan tur makrana pikobet-pikobet ring masyarakat. Daweg mangkin, akeh wenten pikobet sane medal saking pikayunan indik isu agama. Wenten kelompok sane menabe agama ipun wantah sane pinih becik, tur agama sane lianan punika nenten becik. Napi malih pikayunan indik punika katincapang ring tindak tanduk sane ekstrem tur ngrebeda ngusak asik kerahayuan lan kerahajengan anak sareng akeh. Manados pahan saking krama praja Indonesia, sampunang iraga jenek tur bungkem tekening kawentenan sekadi punika mangda pikobet niki nenten sue makrana tur prasida ngardi aag encah pasikian bangsa Indonesia. Dadosne, napi sane patut kalaksanayang? Iraga patut ngrereh pamragat jalan tengah ring kahuripan meagama sane ketah kebaos moderasi beragama. Manut ring Kamus Besar Bahasa Indonesia, kruna moderasi punika madue arti pengurangan kekerasan, penghindaran keekstreman. Dadosne ri kala nyalanang moderasi beragama iraga patut nguangin parilaksana sane saat keras mabiuta tur ngimpasin parilaksana ekstrem ri kala nyalanang dharmaning agama. Moderasi beragama patut kalaksnayang ring tengahing masarakat Indonesia sane masarakatnyane majemuk, tur nganut agama sane mabinayan sane pigum ring Indonesia. Patut kauningayang moderasi beragama inggih punika tata cara sane patut kalaksanayang anggen ngameng paiketan negara Indonesia. Pabinayan pikayunan ngeninin isu agama sane saat pisan pastika makrana nampakang pikobet. Pikobet yening nenten becik kapipilang prasida ngwetuang solah sane ekstrem mikukuhin pikayunan ipun. Nika mawinan moderasi beragama patut kalaksanayang ring Indonesia pinaka solusi mangda adung nyalanang kahuripan ring masarakat, ngupapira pasikian, tur nenten rikat nyalanang dharmaning agama manut ring agama soang-soang. Masarakat sane moderat tegteg ring parilaksana sane becik, satya ring tanah air Indonesia, toleran, nenten saat ring parilaksana, tur ajer ring pabinayan budaya. Moderasi beragama wantah swadharma miwah sesana iraga sareng sami. Moderasi beragama nenten pacang labda ngwetuang pasikian miwah kerukunan umat yening kalaksanayang praragan utawi kalaksanayang olih asiki institusi kemanten. Iraga pinaka bangsa Indonesia patut sareng-sareng saling adung masikian nyalanang moderasi beragama.

In Indonesian

—

Property "SummaryTopic ban" (as page type) with input value "Moderasi beragama wantah swadharma miwah sesana iraga sareng sami. Moderasi beragama nenten pacang labda ngwetuang pasikian miwah kerukunan umat yening kalaksanayang praragan utawi kalaksanayang olih asiki institusi kemanten. Iraga pinaka bangsa Indonesia patut sareng-sareng saling adung masikian nyalanang moderasi beragama." contains invalid characters or is incomplete and therefore can cause unexpected results during a query or annotation process.