Kawentenan masalah ring kauripan sadina-dina sane mangkin inggih punika kirang nyane kasadaran alit-alit utawi sane ketah kabaos generasi milenial nganggen basa Bali anggen mareraos berkomunikasi ring sadina-dina. Napike sane mawinan kadi asapunika? 1. Kawentenan rasa gengsi nganggen basa Bali. Sane kapertama ngranayang alit-alit nenten akeh nganggen basa Bali khususnyane ring alit-alit sane magenah ring kota inggih punika rasa gengsi nganggen basa Bali sane kaanggen mareraosan ring kauripan sadina-dina. Taler ring zaman sane kadi mangkin akeh orang tua alit-alit sane ngajahin putra utawi putrinnyane sane wau malajah mareraos batita ngajahin nganggen basa Indonesia pinaka basa dasar. Hal sane kadi asapunika nenten ja iwang, nanging lebih bagus yening alit-alit sane wau malajah maraos kaajahin nganggen basa Bali, sane pinaka basa dasar sawireh basa Bali pinaka cihna iraga dados anak Bali mangda basa Bali nenten sirna kageser arus globalisasi lan modernisasi. 2. Generasi milenial sane nenten pasih nganggen basa Bali tur nenten nganggen basa Bali sane patut. Sane ngranayang basa Bali ngancan sirna inggih punika generasi milenial saane nenten pasih nganggen basa Bali tur nenten nganggen basa Bali sane patut. Niki krana wenten nyane zaman sane ngancan modern sane ngranayang generasi milenial akeh kacingak nganggen basa Bali sane nenten patut utawi basa kasar sakadi conto ngomong cang, ci, iba, kae sane kaanggen mareraos sadina-dina. Sepatutnyane alit-alit mangda ka awasin tur ajahin mabasa Bali sane sopan, patut, lan santun majeng ring sira ja maraos.
Lantas napike wenten solusi mangdane basa Bali nenten sirna? Akeh wenten solusi sane prasida katerapin mangdane basa bali nenten sirna, inggih punika. 1. Ngalestariang basa Bali antuk mareraos nganggen basa Bali sane patut ring sadina-dina. 2. Malajahin basa Bali dengan baik ring sekolah. 3. Sane mangkin kawentenan program saking pemerintah provinsi Bali antuk ngalaksanayang sane mawasta bulan basa Bali sane kalaksayang nyabrang awarsa. Program puniki prasida kaikutin olih para sisya lan mahasisya sane prasida ngasah potensi lan minat alit-alit majeng ring budaya lan basa Bali. 4. Taler mangkin wenten BASAbali Wiki inggih punika website digital sane matatujon ngalestariang tur ngajegan adat, budaya, miwah basa Bali. Platform puniki mawiguna pisan majeng ring generasi milenial kaanggen ngasah minat lan kemampuan sawireh ring platform puniki wenten kamus tigang basa, taler mase wenten komik basa Bali.
Kesimpulan saking opini puniki inggihan punika kawentenan platform digital sakadi BASAbali Wiki pinaka website sane prasida ka akses olih masyarakat umum khususnyane para sisya anggen malajah basa Bali santukan irika wenten kamus tigang basa, wenten komik tur kaanggen nambah wawasan indik isu sipil sane kawentenan ring masyarakat. Taler mase sakadi mangkin BASAbali Wiki ngalaksanayang lomba indik nulis opini basa Bali sane prasida narik minat lan bakat para sisya berkontribusi ngajegan basa Bali. Kawentenan BASAbali Wiki pinaka sarana kaanggen ngajegan tur ngalestarian basa Bali mangda tetep ajeg apang nenten kageser antuk arus globalisasi lan modernisasi. Dumogi BASAbali Wiki prasida terus berkembang tur dikenal masyarakat luas.
Aktifkan pemuatan ulang komentar otomatis