NGERAJEGANG BASA BALI ALUS Para angga panureksa sane wangiang titiang Tim BASAbali Wiki sane kusumayang titiang para semeton sareng sami sane tresna sihin titiang. Pinih ajeng, lugrayang titiang ngaturang panganjali umat, Om Swastyastu . Bagia pisan manah titiang rahinane mangkin, sangkaning pasuecan Ida Sang Hyang Widhi Wasa, titiang kaicen galah ngaturang sarin-sarin manah titiange ring lomba Wikithon puniki. Suksma aturang titiang majeng para angga panureksa miwah tim BASAbali Wiki sane sampun ngwacen tulisan titiange. Ring zaman globalisasi sekadi mangkin, ilmu pengetahuan lan teknologi sami sampun sayan ngemajuang. Nanging para truna-trunine mangkin lali ring mawicara bahasa bali sane becik, utamane bahasa alus. Sane ngeranayang punika, truna-trunine mangkin lebih milih malajahin bahasa asing, ento mawinan truna-trunine mangkin lali ring mawicara bahasa alus. Nenten salah iraga malajahin bahasa asing, nanging iraga patut tetep ngalestariang Basa Bali krana Basa Bali pinaka silih tunggil pangeling iraga dados jatma Bali. Punika sane mawinang iraga mangda tetep malajahin Basa Bali Alus rikalaning mabaos sareng anak berkasta utawi sane lianan punika, mangda nenten uning bahasa andap lan kasar manten. Santukan punika, ngiring iraga utamane para truna-trunine sareng sami malajahin Basa Bali Alus mangda Basa Bali Alus nenten ical nganutin panglimbak zamane. Inggih Ida dane sareng sami sane wangiang titiang, dumogi napi sane kabaktayang titiang mapikenoh majeng ring ida dane sareng sami. Wantah asapunika sane antuk titiang ngaturang. Akeh titiang matur, tur akeh iwang titiang, yening sekadi punika titiang nunas sinampura yening wenten karaos titiang sane nenten manut ring manah. Wantah asapunika sane prasida aturang titiang dumogi napi sane aturang titiang prasida kauratiang pinaka dasar program kerja sane kautamayang olih calon pemimpin sane kapilih ring warsa 2024. Sineb titiang antuk Parama Shanti, Om Shanti Shanti Shanti Om .
Aktifkan pemuatan ulang komentar otomatis