Bali inggih punika pulo sane kasengguh lumbung seni krana karma ring pulo puniki akeh sane madue kaluwihan ring widang seni. Punika mawinan jagat Baline puniki kasub rauh ring dura negara lan akeh turis saking dura negara rauh ka Bali nyambran warsa. Punika sane mawinan pariwisata Baline polih devisa sane mautama. Nanging lianan ring kabecikan punika mangkin akeh pikobet ring pulo Baline, sinalih tunggilnyane ring kecamatan Ubud, kabupaten Gianyar.
Ring Ubud, akeh pikobet sane kwetuang olih kamacetan sane ngranayang aktivitas kramane nenten memargi antar, pamekasnyane ring sektor Pariwisata. Lianan ring punika yening kemacetan sane signifikan punika ngancan nincap , pastika sampun para pekerja ring sektor pariwisata ngancan ngewehang ngrereh pangupajiwa santukan tamu sane rauh ke Bali ngancan ngamedikang, santukan tamune punika pacang ngrereh genah malancaran ring negara sane tiosan. Pemerintah sampun mautsaha mangdane pikobet puniki prasida katempasin. Luire : Peningkatan isfrastruktur jalan, mengembangkan transportasi berkelanjutan, dan melakukan pengaturan lalulintas, lan sane tiosan. Titiang pinaka Yowana Bali sampun sepatutnyane nyarengin icen panepas saking pikobet puniki. Malarapan antuk SARASKA utawi Saniscara Redite Stop Kendaraan Pribadi, para wisatawan patut ngangge fasilitas sekadi mobil sane sampun kasediayang olih hotel punika kanggen melancaran. Yening wenten pelanggaran pacang Kakeninin sanksi marupa mareresik ring wewidangan tempat suci utawi pura. Pemerintah miwah kramane patut taler mautsaha mangda prasida taler nglaksanayang pidabdab puniki. Malarapan antuk utsaha puniki, pikobet Kemacetan sane wenten ring Ubud prasida sayan-sayan ngicalang.
Sadurung puputang titiang, cutetang titiang atur titiang puniki : Ngiring para Yowana Bali, pamekasnyane Yowana Gianyar patut nincapang uratian ring kawentenan pariwisata ring Ubud. malarapan antuk sareng menyukseskan Program SARASKA utawi Saniscara Redite Stop Kendaraan Pribadi. Ngiring iraga sareng sami para Yowana Bali ngelestariang pariwisatane mangda ajeg lan lestari tur trepti ring margine nuutin aturan aturan sane wenten sajeroning pariwisata, lamakane prasida nepasin kemacetan ring Ubud. Yening sampun disiplin ring margi sinah ngwetuang Bali sane sutrepti miwah Ubud sane luwih tur kemacetan prasida ical ring jagat Ubud.
Enable comment auto-refresher