Om Swastyastu. Merdeka, sane wangiang titiang para Angga panureksa, sapunika taler para yowane sareng sami sane Tresna sihin tityang. Pinih Ajeng ngiring ngaturang rasa angayubagia majeng ring Ida sang hyang Widhi wasa, duaning sangkaning pasuecan Ida, titiang ngiring Ida dane sareng sami prasida mapupul iriki ring sajeroning acara Wikithon partisipasi publik Bali Berorasi. Ring galahe sane becik puniki lugrayang titiang ngaturang pidarta utawi orasi ngenenin idik pikobet sane wenten ring Bali sane mamurda Leluu Di Pesisi.
Melali di pesisi mula ngaenang kenehe liang, apebuin melali ngajak semeton utawi kluwarga sane sayangang. Liang manahe nyingakin yen suba nepukin pesisine resik tur asri, tis kerase desiran angin e ngampehin rage
Pesisine ring Bali akeh tur pinih becik, sebilang wai liu torise melali kema. Toris dura negara miwah lokal seneng melali ke pesisi sakewale ne mangkin, wenten sane patut uratiang indik kawentenan leluune ring Bali pamekas leluu sane mekacakan ring pesisi sane ngereredang kaluwihan pesisine ring Bali. Pemimpin baline keaptiang prasida ngicen solusi ring pikobet leluu sane wenten ring Bali pamekas ring pesisi duaning pinaka genah wisata sane mabuat ring pemargi pariwisata ring Bali. Punika taler ring krama Bali sareng sami, ngiring sareng - sareng ngeromba pemargi guru wisesa rikalaning natasang pikobet leluune puniki. Ngiring Semeton sareng sami, uratiang baya leluune ring Bali, mangde sayan resik kawekasan. Inggih wantah asapunika sane prasida atur titiang, kirang langkung nunas sinampura pinaka wesananing atur titiang sineb antuk Parama santi. Om Santhi, Santhi, Santhi Om.
Aktifkan pemuatan ulang komentar otomatis