OM SWASTYASTU, SALAM RAHAYU Para panureksa sane wangiang titiang , Para semeton sane tresna sihin titiang
Angayubagia aturang titiang majeng ring IDA SANG HYANG WIDHI WASA , saantukan sangkaning asung kertha wara nugrahan Ida, iraga sareng sami prasida mapupul ring acara WIKHITON PARTISIPASI BALI BERORASI . Ring galah sane becik puniki , titiang jagi maktayang orasi sane mamurda NGRAJEGANG BASA LAN AKSARA BALI
Ida dane sane wangiang titiang , ring aab jagate puniki basa lan aksara Bali pinaka akah sane prasida ngrajegang budaya Bali, sampun sayan rered utawi punah kawentenannyane utamanipun ring para yowana utawi generasi muda. Para krama bali nenten malih nganggen basa lan aksara bali yening pacang maatur-atur ring kulawarga, pesangkepan paruman, miwah ring media sosial. Napi malih indik nyurat aksara bali, krama ring bali sampun sayan-sayan lali tekening sasuratan aksara bali. Sane mangkin titiang pacang mataken majeng ring Bapak Ibu calon pemimpin Bali, napi program sane prasida ngawantu mangda Basa lan Aksara Bali nenten ngantos punah?.kaaptiang para calon pemimpin jagat Baline mangda prasida nguratiang kawentenan Basa miwah aksara Bali punika antuk nyokong program-program sane samoun kalaksanayang olih pemimpin sadurung nyane Inggih , ida dane sane banget wangiang titiang , asapunika indik pikobet ring aab jagate sakadi mangkin, titiang mapinunas sumangdane Bapak Ibu calon pemimpin madue solusi taler program sane becik,taler sayan nincapang rasa jemet mabasa Bali lan seneng antuk malajahin Aksara Bali. Mantuk ring saluir kakirangan ipun titiang nunas geng rena pengampura. Pinaka pamuput aturang titiang parama santhi OM SANTHI SANTHI SANTHI OM
Enable comment auto-refresher