Om Swastyastu, Om Awighnam Astu Nama Sidham, Ratu idane sane banget wangiang titiang. Titiang sisianing sekolah SMA siki ring Gianyar. Galahe mangkin titiang jagi mapidartayang indik NARKOBA. Sane pinih sorotang titiang dahat mautama pisan parindikan Narkoba puniki, maka tetujon ipun boyaja siyos ngicenin paridabdab maring kawula muda taruna-taruni mangda tatas uning maring paindikang muwang pikobet narkoba punika. Ratu ida dene sareng sami utamane para kawula muda , sanantukang kawentenan Era Globalisasi, sane ngranjing ring jagat Indonesia tanpa sangkan taler sangguru rupaka sane nenten gelis tanggap ring pari polah ipun tuur kawentenan ring wewidangan soang-soang sane nenten becik, akeh kawula muda taruna-tarunine sampun keni kabrebehan antuk Narkoba. Punika makawinan pamedalan generasi sane loyo, ten medue rasa tanggung jawab, manah maajah sampun ical, tata krama sane nenten becik, taler akeh sampun para kawula mudane ngeranjing ring gumi. Kawentenan punika banget pisan makta pikobes maring jagat Indonesiane. Sapatutne yening jagi ngrereh kedik jayaan nenten wenten manut ngangge Narkoba. Nika mawinan akeh paridabdab sane nenten becik. Sampun make pakaryan iraga sareng sami ngemecikin para kawula mudane sane ngangge NARKOBA punika akeh wenten paridabdab pamargi sane prasida kamargiang mangda kawula mudane prasida kabecikang malih, inggih punika: Ngicenin pitutur saking yayasan social, sekolah, paridabdab saking guruswadyaya taler ngranjing seminar-seminar. Melarapang antuk dahat subakti ring Sang Hyang Widhi Wasa Mangda nenten para mudane ngeroko taler nginum minuman alcohol. Melarapan antuk paridabdab punika kaaptian pamargi sane becik tur nenten malih ngangge Narkoba. Inggih sekadi punika pidarta titiang, kirang langkung titiang nunas pangampura mangda sanewedarang titiang punika kanggen tur wenten kawi gunanyane, maka panguntap titiang ngaturang Prama Shanti. Om Shanti, Santhi, Shanti Om
Enable comment auto-refresher