Redite, 16 April 2023 titiyang tangkil ka Pura Agung Besakih. Pura Agung Besakih, pura sane paling gede ring Bali. Nanging, kawasan Suci sane sepatutne kedas, gadang, lan tiis bek mekacakan luu dini ditu. Padahal, lakar mecelep pura ada razia tas kresek, lan ditengah purane ada speaker sane munyine larangan-larangan keras sing dadi nganggo plastik. Di tengah kawasan pura tiang mekesiab, speaker be jelas larangan sing dadi nganggo lan ngaba mekejang ane uli plastik, nanging akeh mejejer dagang-dagang sane meadolan ngangge plastik. Ne pateh dogen teken munyi kuale sing ada apa. Suba sepatutne larangan imbangine teken kegaaen nyata. Larangan sing dadi nganggo plastik sepatutne masih untuk dagang-dagang sane nganggo plastik. Dagang-dagang mejejer otomatis ada interaksi antara sane medagang ajak sane mebelanja, kulit belanjaan uling plastik sane kutange dini ditu, ento ngeranang kawasanne tercemar. Krama Bali konden terlalu sadar teken pentingne ngejaga lingkungan, nagih aluh dogen ngutang luu dini ditu. Ngubungang ajak speaker, pemangku kepentingan pura harus ningalin situasi dilapangan, de speaker-speaker dogen keras misi himbauan tuara ten ningalin kondisi sebenarne dilapangan, nyen sane ngaba luu, nyen sane ngutang luu. Kondisi care jani jalan keluare tuah abesik, pemerintah utawi pemangku kepentingan patut mesuang awig-awig sanksi tegas lan nyetop dagang-dagang ring kawasan pura ngangge plastik. Nyetop ajak mesuang sanksi sing je uling speaker sane munyine keras, nanging turun langsung kelapangan ngangge tindakan, anak ada munyi Orain melah malah ngelautang ngae kepelihan . Sanksi sing je anggo pemedek dogen nanging anggo pedagang masih, lan harus terapang secara konsisten. Secenik ken-ken dogen je luune to tetap harus baang sanksi, apang krama Baline sadar ngutang luu to harus di tongosne, apalagi ne di kawasan suci. Ring kawasan pura masih harus ngejangin bak sampah 3 warna, apang krama Baline melajah milihin luu. Ngiring semeton krama Bali, jaga gumi Baline mangda bebas uli luu plastik, mangda nenten ada pencemaran dini ditu, gumi kedas anggo iraga pedidi.
Aktifkan pemuatan ulang komentar otomatis